Па рашэнню кіраўніка дзяржавы Беларусь акажа гуманітарную дапамогу Украіне. Груз для ліквідацыі наступстваў паводкі быў сфарміраваны ў самыя кароткія тэрміны і адправіўся з тэрыторыі Рэспубліканскага атрада спецыяльнага прызначэння МНС сёння раніцай, паведамілі ў прэс-службе Міністэрства па надзвычайных сітуацыях.
У выніку паводкі, выкліканай дажджамі 23-25 чэрвеня, пацярпелі пяць абласцей у суседзяў, найбольш цяжкая сітуацыя склалася ў Івана-Франкоўскай вобласці. Усяго на Украіне пацярпелі 165 населеных пунктаў, 3 чалавекі загінулі, цалкам разбураныя 110 кіламетраў дарог, знішчаныя 19 мастоў. У пацярпелых населеных пунктах была разбурана частка будынкаў, адсутнічае газазабеспячэнне і ёсць перабоі з электрычнасцю.
Па просьбе ўкраінскага боку Беларусь накіруе ў пацярпелыя раёны дзве электрастанцыі, мотапомпы, палаткі, рукавы пажарныя напорныя рознага дыяметра агульнай колькасцю больш за паўтары тысячы, камплекты індывідуальныя ахоўныя для ліквідацыі наступстваў паводкі. Агульная маса грузу, які быў сфармаваны літаральна за адзін дзень, — 30 тон. У яго фармаванні удзельнічалі МНС, канцэрн Белнафтахім, ПТУП «АзотХимФортис».
МНС забяспечвае дастаўку і суправаджэнне грузаў. Калона ратавальнікаў у пацярпелыя раёны выязджае на чале з намеснікам міністра Анатолем Далгалеўцам. Плануецца, што беларуская дапамога прыбудзе ў Львоў сёння.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
