Беларусь з 1 чэрвеня павышае экспартныя пошліны на нафту і нафтапрадукты, якія вывозяцца за межы мытнай тэрыторыі Еўразійскага эканамічнага саюза. Адпаведнае рашэнне змяшчаецца ў пастанове Савета Міністраў ад 26 мая 2020 г. № 316, паведамілі на сайце ўрада.
Стаўка экспартнай пошліны на сырую нафту складзе $8,3 за 1 т (раней — $ 6,8).
Пошліна на прамагонны бензін павышана з $ 3,7 да $ 4,5 за 1 т. На таварныя бензіны, лёгкія і сярэднія дыстыляты — з $ 2 да $ 2,4 за 1 т. Такая ж пошліна ўстаноўленая ў дачыненні да дызельнага паліва, бензолу, талуолу, ксілолаў, змазачных і іншых алеяў.
Раней стаўкі вывазных мытных пошлін у дачыненні да сырой нафты і асобных катэгорый тавараў, выпрацаваных з нафты, змяняліся 1 мая. Тады яны былі зніжаныя.
Прэв’ю: hantimansiysk.bezformata.com
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
