Вы тут

Дэмаграфічны прырост насельніцтва ў Беларусі скарачаецца


 

Спачатку — добрая навіна. У Беларусі дасягнуты экстрэмальна нізкія паказчыкі дзіцячай і мацярынскай смяротнасці, павялічылася працягласць жыцця. Але пры гэтым дэмаграфічны прырост насельніцтва скарачаецца, і лічбы па нараджальнасці ў найбліжэйшыя гады застануцца нізкія. Менавіта ад такіх паказчыкаў, а таксама ад шэрагу іншых фактараў (ад узроўню бясплоднасці і даступнасці рэпрадуктыўных тэхналогій да ўзроўню развіцця ўсёй медыцыны) залежыць дэмаграфічная сітуацыя ў краіне.


Дзіцячая смяротнасць у 2019 годзе дасягнула гістарычнага мінімуму — 2,4 праміле. Гэта 2,4 выпадка на 1000 жыванароджаных дзяцей. У 2018 годзе яна складала 2,5 выпадка на 1000 жыванароджаных, у 2017-м паказчык дзіцячай смяротнасці быў 3,2 праміле. Трэба адзначыць, што ў Беларусі ён заўсёды захоўваецца на адным з самых нізкіх узроўняў у Еўропе.

Мацярынская смяротнасць у Беларусі ў 2019 годзе склала 1,1 выпадка на 100 тысяч нованароджаных дзяцей. Адзіны выпадак мацярынскай смяротнасці з акушэрскай прычыны летась адбыўся ў Мінскай вобласці.

— Нягледзячы на такія дастойныя вынікі, служба павінна знаходзіцца ў пастаяннай гатоўнасці для аказання экстраннай дапамогі, — адзначыў міністр аховы здароўя Уладзімір КАРАНІК падчас выніковай калегіі Міністэрства аховы здароўя. — Сучасная дэмаграфічная сітуацыя ў краіне застаецца напружанай, і яна вызначаецца шэрагам ключавых праблем: нізкім узроўнем нараджальнасці, старэннем насельніцтва. Нягледзячы на стабілізацыю паказчыкаў, застаецца даволі высокім узровень смяротнасці.

На жаль, каэфіцыент нараджальнасці ў краіне працягвае зніжацца. За 11 месяцаў 2019 года ён склаў 9,4 праміле, а годам раней быў 10,1. Каэфіцыент смяротнасці застаецца на ранейшым узроўні і складае 12,8 праміле.

Рэаліямі нашага часу сталі скарачэнне колькасці жанчын фертыльнага ўзросту, больш позні надыход цяжарнасці, памяншэнне колькасці дзяцей у беларускіх сем'ях, павелічэнне колькасці разводаў.

У такіх умовах у захаванні рэпрадуктыўнага здароўя насельніцтва ўзрастае роля медыцыны. Важна зрабіць усё магчымае, каб пары, якія жадаюць мець дзяцей, маглі гэта ажыццявіць, падкрэсліў міністр. (Дарэчы, узровень бясплоднасці ў Беларусі складае 14 %.)

— Задача медыцыны — не толькі зніжэнне захваральнасці, інваліднасці і смяротнасці, але і павышэнне нараджальнасці за кошт прафілактыкі абортаў, даступнасці і эфектыўнасці дапаможных рэпрадуктыўных тэхналогій.

Алена КРАВЕЦ

Фота Анатоля КЛЕШЧУКА

Загаловак у газеце: Дэмаграфія: рэаліі часу

Выбар рэдакцыі

Культура

Кіно, якога не чакалі — 3. Завяршаем падборку драйвовых беларускіх фільмаў

Кіно, якога не чакалі — 3. Завяршаем падборку драйвовых беларускіх фільмаў

Сфера культуры ярчэй за іншыя паказвае, што калі не працуюць традыцыйныя схемы, прыходзіцца шукаць чорны ўваход. Пошукі часам нараджаюць эксперыменты і выкруты, якія абыходзяць абмежаванні, патэрны і завядзёнку і становяцца найлепшымі знакамі свайго часу. 

Грамадства

Як біятэхналогіі паляпшаюць якасць жыцця і здароўя чалавека?

Як біятэхналогіі паляпшаюць якасць жыцця і здароўя чалавека?

Па прагнозах спецыялістаў, не менш як 20 працэнтаў ад аб'ёму тавараў у XXІ стагоддзі будзе за біятэхналогіямі.

Грамадства

Збіраем гардэроб школьніка разам са стылістам

Збіраем гардэроб школьніка разам са стылістам

Пошукі і набыццё «школьнай формы», як па старой звычцы кажуць мамы і таты, — тая яшчэ галаваломка! 

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.