Вы тут

Жыхар Смаргоні выявіў на ўчастку стары іспанскі пісталет, якому больш за 100 гадоў


30-гадовы мужчына некаторы час таму набыў у межах горада новы ўчастак. У адзін з дзён грамадзянін разбіраў гаспадарчую пабудову і паміж сценамі знайшоў пісталет. Ён вырашыў не хаваць дадзеную інфармацыю і паведаміў пра знаходку па гарачай лініі “102”. На месца выбыла следча-аператыўная група.


Зброю ідэнтыфікавалі як унікальны іспанскі пісталет “Vencedor”, таксама былі выяўлены два магазіны з 12 патронамі. Дадзены самазарадны пісталет актыўна выкарыстоўвалі французскія вайскоўцы падчас Першай сусветнай вайны, паведамляе аддзяленне інфармацыі і грамадскіх сувязяў УУС Гродзенскага аблвыканкама.

Выяўленыя аб'екты паступілі на балістычную экспертызу ў Гродзенскі міжраённы аддзел Дзяржаўнага камітэта судовых экспертыз.

Як устанавілі эксперты, прадстаўлены пісталет выраблены ў Іспаніі і з'яўляецца наразной агнястрэльнай зброяй калібра 7,65 міліметра. Нават нягледзячы на ​​тое, што гэты экземпляр паступіў на экспертызу ў няспраўным стане і яму больш за 100 гадоў, тым не менш, для стральбы ён прыдатны. Толькі адзін з патронаў выраблены заводскім спосабам, астатнія -- самаробныя.

Супрацоўнікі Смаргонскага Р0АУС праводзяць праверку па гэтым факце. У першую чаргу супрацоўнікі міліцыі спрабуюць устанавіць сапраўднага ўладальніка пісталета.

Сяргей РАСОЛЬКА

Выбар рэдакцыі

Спорт

Замена Алімпіядзе. Беларуская лёгкаатлетычная

Замена Алімпіядзе. Беларуская лёгкаатлетычная

Беларуская федэрацыя лёгкай атлетыкі зладзіла свае гульні.

Грамадства

Без чаргі і за лічаныя хвіліны. Як здаюць экспрэс-тэст на каранавірус

Без чаргі і за лічаныя хвіліны. Як здаюць экспрэс-тэст на каранавірус

З мінулага тыдня экспрэс-тэсціраванне на COVІD-19 даступнае ў многіх паліклініках краіны, у тым ліку і ў невялікіх гарадках і пасёлках гарадскога тыпу.

Палітыка

Лукашэнка даручыў аказаць падтрымку выбаркамам і паклапаціцца аб забеспячэнні бяспекі іх працы

Лукашэнка даручыў аказаць падтрымку выбаркамам і паклапаціцца аб забеспячэнні бяспекі іх працы

Пра гэта ён заявіў сёння на рабочай сустрэчы з Наталляй Качанавай і Віктарам Шэйманам.