36 выпадкаў каранавіруса пацверджана ў Беларусі

У Беларусі зарэгістравана 36 лабараторна пацверджаных выпадкаў каранавіруса. Пра гэта паведамляе прэс-служба Міністэрства аховы здароўя.

Перад тым ведамства паведаміла пра рост колькасці тых, хто захварэў, у пятніцу. Тады іх колькасць дасягнула 27. Былі шпіталізаваны 224 чалавекі як кантакты першага ўзроўню з захварэўшымі на каранавірус. У суботу стала вядома пра тое, што ў пяці студэнтаў БДУ папярэдні тэст на каранавірус даў станоўчы вынік.

У нядзелю ведамства растлумачыла, чаму Беларусь не закрывае межы і не аб'яўляе каранцін.

Раней міністэрства аховы здароўя рэкамендавала абмежаваць да 6 красавіка правядзенне шэрагу мерапрыемстваў і прапаноўвала распрацоўку алгарытму рэжыму добраахвотнай самаізаляцыі.

​Прэв'ю: cnn.com