У брытанскім горадзе Шэфілд прайшоў першы канцэрт галаграмы амерыканскай спявачкі Уітні Х'юстан, якая памерла ў лютым 2012 года, піша інтэрнэт-партал Буквы са спасылкай на The Source.
Шматлікім гледачам не спадабалася шоу. Людзі запэўнівалі, што галаграма не падобная на Уітні, рухі вуснаў не супадаюць з песняй. Акрамя таго, рухі цела не перадавалі ніякіх эмоцый.
Стрыечная сястра Уітні, спявачка Дыён Уорвік, назвала шоу "раздражняльным". Яна таксама размаўляла з легендарным прадзюсарам Клайв Дэвісам, які ўпершыню падпісаў Уітні на Arista Records ў 1983 годзе, і "ён быў вельмі злы на гэтае шоў".
Некаторыя прыхільнікі сказалі, што галаграма часам нагадвала Холі Бэры.
Канцэрты з галаграмай Уітні Х'юстан павінны прайсці ў рамках тура The Whitney Houston Hologram ў Еўропе, ЗША і Мексіцы.
48-гадовая спявачка памерла ў нумары гасцініцы Beverly Hilton ў Бэвэрлі-Хілз у лютым 2012 года. Следства выявіла, што знакамітасць выпадкова патанула. Сярод прычын яе смерці эксперты назвалі, у прыватнасці, атэрасклератычную хваробу сэрца і ўжыванне какаіну.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
