Вы тут

Да старту летніх Алімпійскіх гульняў у Токіа засталося 159 дзён


Афіцыйны прадстаўнік аргкамітэта «Токіа-2020» Маса Такая адзначыла, што за шэсць месяцаў да пачатку ўрачыстай цырымоніі адкрыцця ўсё ідзе па плане. «Цягам апошніх сямі гадоў мы прыклалі шмат намаганняў для падрыхтоўкі да Гульняў. Цяпер бачым, як гэтыя кавалачкі злучаюцца разам. За шэсць месяцаў да пачатку выкананы менавіта той аб'ём работы, які мы і запланавалі», — адзначыла яна.


XXXІІ летнія Алімпійскія гульні ў Токіа пройдуць на 43 аб'ектах: 8 новых пастаянных, 25 існуючых і 10 часовых. У снежні 2019 года афіцыйна адкрыты новы Нацыянальны стадыён, на якім ужо адбыліся першыя афіцыйныя спаборніцтвы.

У канцы мінулага года завершана і ўзвядзенне вёскі для атлетаў. Варта адзначыць, што ўсе 26 тысяч ложкаў у вёсцы ўпершыню ў гісторыі Алімпійскіх гульняў і Параалімпійскіх гульняў будуць амаль цалкам зроблены з аднаўляльных матэрыялаў. Матрацы распрацаваны для паляпшэння якасці і камфорту сну, а рамы выраблены з лёгкага кардону з высокім супраціўленнем. Кардонныя рамы надзвычай даўгавечныя, лёгкія, пажарабяспечныя і воданепранікальныя. Пасля Гульняў яны павінны быць перапрацаваныя ў папяровую прадукцыю — так спалучаюцца сучасныя інавацыі з экалагічнай свядомасцю.

Арганізацыйны камітэт Гульняў заявіў аб завяршэнні ў красавіку бягучага года будаўніцтва Vіllage Plaza — плошчы ў вёсцы атлетаў. Падчас медыятура прадстаўнікам СМІ паказалі пяць кластараў, якія будуць цалкам складацца з дрэва, дастаўленага ў Токіа з 63 муніцыпалітэтаў Японіі. На кожным бруску дрэва надрукавалі назву муніцыпалітэта, што дазваляе наведвальнікам даведацца, з якога раёна матэрыял. Пасля завяршэння Алімпійскіх і Параалімпійскіх гульняў драўняныя матэрыялы будуць вернутыя ў рэгіёны для паўторнага выкарыстання.

Як адзначылі арганізатары, будаўніцтва Vіllage Plaza пачалося ў сакавіку мінулага года, і яго плануецца завяршыць у красавіку. Акрамя кавярняў, магазінаў з атрыбутыкай і сувенірнай прадукцыяй Гульняў, у Vіllage Plaza будуць адкрыты цырульня, пошта і хімчыстка.

Таксама арганізацыйны камітэт абвясціў пра гатоўнасць прыняць першых атлетаў у валейбольнай арэне Арыяке — адным з найбуйнейшых крытых спарткомплексаў для маючых адбыцца галоўных стартаў чатырохгоддзя.

Арэна разлічана на 15 тысяч балельшчыкаў і ўведзена ў строй у снежні 2019 года. У студзені праводзіліся яе тэставыя выпрабаванні.

Валейбол на маючых адбыцца Гульнях будзе адным з самых папулярных відаў спорту. У мужчынскім і жаночым турнірах згуляюць па 12 камандаў. Нагадаем, чэмпіёнамі Гульняў 2016 года з'яўляюцца Бразілія (мужчыны) і Кітай (жанчыны). Упершыню валейбол быў уключаны ў праграму Алімпійскіх гульняў менавіта ў Токіа ў 1964 годзе. Мужчынская каманда Японіі заваявала тады бронзавы медаль, а жаночая — зрабіла сенсацыю, здабыўшы залатую ўзнагароду.

Пасля завяршэння Гульняў гарадскія ўлады пераўтвораць валейбольны комплекс Арыяке ў цэнтр забаў, спорту і культуры. Арэна адпавядае ўсім экалагічным нормам: на аб'екце ўстаноўлены сонечныя батарэі і геатэрмальнае цеплавое абсталяванне, каб дапамагчы знізіць выкіды парніковых газаў.

Актыўна ідзе і продаж квіткоў на маючыя адбыцца Алімпійскія гульні. Больш за 8,2 мільёна чалавек зарэгістравалася на атрыманне білетаў. Балельшчыкі з Беларусі таксама могуць набыць квіткі ў афіцыйнага дылера кампаніі Tіcketpro.

Больш за 80 тысяч чалавек у Японіі і за мяжой першапачаткова адабрана для навучання па праграме валанцёрскага руху.

Улічваючы высокую цікавасць да будучых стартаў, арганізатары актыўна супрацоўнічаюць з партнёрамі. Агульная колькасць лакальных алімпійскіх спонсараў Гульняў у Токіа дасягнула 65. Чатыры кампаніі выступаюць у якасці партнёраў па правядзенні эстафеты алімпійскага агню.

Каталог тавараў «Токіа-2020» цяпер змяшчае каля 5 тысяч найменняў прадукцыі. Як адзначылі ў аргкамітэце, у Японіі падчас Гульняў будуць працаваць 72 крамы з атрыбутыкай алімпіяды.

На спартыўных аб'ектах у Токіа ўжо праведзены тэставыя спаборніцтвы, якія праходзяць з верасня 2018 года. З кастрычніка 2019 года да студзеня 2020-га праводзіліся спаборніцтвы ў памяшканні, а трэцяя хваля тэставых спаборніцтваў адбудзецца з лютага да мая бягучага года.

Дар'я ЛАБАЖЭВІЧ

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.