Дзяржаўны музей гісторыі беларускай літаратуры запрашае ўсіх ахвотных 14 лютага паўдзельнічаць у пісьменніцкай эстафеце «Разам зробім свята кнігі». Імпрэза прымеркавана да Міжнароднага дня дарэння кніг (Іnternatіonal Book Gіvіng Day), які праходзіць штогод 14 лютага, пачынаючы з 2012 года, як сімвал пераемнасці чалавецтва ў любові да чытання.
З 10 да 17 гадзін у музеі арганізуюць сустрэчы сучасных беларускіх пісьменнікаў з чытачамі ўсіх узростаў. Падчас імпрэзы аўтары будуць не толькі раскрываць творчыя сакрэты, але і дарыць свае кнігі — зрэшты, прыносіць і дарыць іх могуць таксама ўсе наведвальнікі. «У нашай нон-стоп эстафеце ў названай паслядоўнасці выступяць наступныя творцы: Міхаіл Бараноўскі, Ганна Янкута, Зміцер Бартосік, Эдуард Акулін, Надзея Ясмінска, Алена Масла, Андрэй Мельнікаў, Максім Клімковіч, Наталка Бабіна і Людміла Рублеўская, — анансуе загадчыца навукова-асветніцкага аддзела музея Эліна Свірыдовіч. — Але гэты спіс не канчатковы: магчымыя і вітаюцца сюрпрызы з боку іншых пісьменнікаў».
Вікторыя ЗАХАРАВА
Прэв'ю: buzday.ru
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.