Вы тут

Падведзены вынікі конкурсу «Чырвоны Крыж у Беларусі і свеце»


Беларускае Таварыства Чырвонага Крыжа падвяло вынікі конкурсу для журналістаў і СМІ «Чырвоны Крыж у Беларусі і свеце».


Генеральны сакратар Беларускага таварыства Чырвонага Крыжа Вольга Мычко падкрэсліла, што супрацоўніцтва з Міністэрствам інфармацыі вельмі знакавае, асабліва напярэдадні стагоддзя арганізацыі, якое будзе адзначацца ў 2021 годзе. Рабоце арганізацыі прысвечана і кніга «Місія міласэрнасці», выпушчаная пры падтрымцы міністэрства.

— У еўрапейскім рэгіёне Беларускае таварыства Чырвонага Крыжа заўсёды вылучаецца цікавымі праектамі і ініцыятывамі. Кніга, якая была прэзентавана ў кастрычніку на Сёмым рэгіянальным семінары па імплементацыі Міжнароднага гуманітарнага права, шмат расказвае пра службу сясцёр міласэрнасці. Яна з'явілася ў 1872 годзе, у часы Расійскай імперыі. А традыцыі міласэрнасці захавалася і сёння. Праўда, цяпер служба істотна трансфармавалася, прырасла сучаснымі тэхнікамі і тэхналогіямі, якімі мы можам падзяліцца з дзяржаўнымі медыцынскімі ўстановамі і расказаць, як даглядаць пацыента, якія ў свеце існуюць стандарты догляду і псіхасацыяльнай падтрымкі. Таксама кніга будзе прэзентавана на 33-й міжнароднай канферэнцыі ў Жэневе, — расказала Вольга Мычко.

Сёння ў Беларускім таварыстве Чырвонага Крыжа працуе 440 штатных супрацоўнікаў, з іх палова — сёстры міласэрнасці, якія аказваюць дапамогу хворым, інвалідам, адзінокім пажылым людзям і іншым. Таксама арганізацыі дапамагаюць 16 тысяч валанцёраў. Расказваць пра работу Чырвонага Крыжа, работу валанцёраў і супрацоўнікаў, а таксама тых, хто мае патрэбу ў такой дапамозе, — важная місія і задача для сённяшніх СМІ, падкрэсліў міністр інфармацыі Аляксандр Карлюкевіч.

— Адным з крокаў нашага супрацоўніцтва стаў рэспубліканскі конкурс на найлепшае асвятленне дзейнасці, ініцыятыў, дабрачыннасці — усяго, што супадае з сістэмай каардынат Беларускага таварыства Чырвонага Крыжа. У гэтым конкурсе сёлета прыняло ўдзел больш за 50 журналістаў друкаваных і электронных сродкаў масавай інфармацыі, — адзначыў міністр.

Сярод пераможцаў конкурсу газеты «Гродзенская праўда» (дыплом І ступені), «Узвышша» (Дзяржынск), «Край Смалявіцкі», «Гомельская праўда», «Слава працы» (Капыль), а таксама Маладзечанскае і Лідскае тэлебачанне.

У найбліжэйшыя гады Беларускае таварыства Чырвонага Крыжа рэалізуе шэраг важных праектаў. Адзін з іх — інтэграваная дапамога не толькі хвораму ці інваліду, але і яго сям'і — рэалізуецца пры падтрымцы Еўрасаюза.

Алена КРАВЕЦ

Прэв'ю: ds-kvasovka.schools.by

Загаловак у газеце: Місія міласэрнасці працягваецца

Выбар рэдакцыі

Эканоміка

Як абараняцца ад рыэлтараў, якія не хочуць працаваць па законе

Як абараняцца ад рыэлтараў, якія не хочуць працаваць па законе

Лiцэнзiя агенцтва «Гатовыя рашэннi» скасавана, «Iмперыi нерухомасцi» — прыпынена, а «Тваёй сталiцы» выпiсана прадпiсанне.

Палітыка

Аляксандр Лукашэнка: Гэта адна з самых складаных выбарчых кампаній

Аляксандр Лукашэнка: Гэта адна з самых складаных выбарчых кампаній

Кіраўнік дзяржавы прагаласаваў на выбарах Прэзідэнта.

Палітыка

У Рэспубліцы Беларусь прайшоў асноўны дзень выбараў Прэзідэнта

У Рэспубліцы Беларусь прайшоў асноўны дзень выбараў Прэзідэнта

Сёлетнія выбары кіраўніка дзяржавы — шостыя па ліку.

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.