У павеце Ліньсі правінцыі Хэбэй на поўначы Кітая знайшлі 580-гадовую каменную пліту з тэкстам, што апісвае біяграфію будыйскага манаха Бі Цінсюаня. Пра гэта паведамілі мясцовыя ўлады, перадае «Жэньмінь жыбаа» анлайн».
Па меркаванні спецыялістаў з павятовага ведамства па ахове культурных рэліквій, каменная пліта была ўстаноўлена ў перыяд праўлення дынастыі Мін (1368-1644 гг.). Яна вышынёй 99 см, шырынёй 83 см і таўшчынёй 17 см, была знойдзена ў вёсцы Улаагуаньчжай. На пліце выгравіраваны тэкст, які складаецца больш чым з 700 кітайскіх іерогліфаў. У ім пахвалілі Бі Цінсюаня за яго добрыя ўчынкі і глыбокія веды ў будыйскім вучэнні.
Манастыр Цзінтусы, які вядомы як і Кайюаньсы, быў заснаваны ў перыяд дынастыі Тан (618-907 гг.), аб чым сведчаць мясцовыя гістарычныя запісы. Знаходка змяшчае важную інфармацыю для даследавання палітычных, культурных і геаграфічных змяненняў у раннім перыядзе дынастыі Мін, адзначылі ў павятовым упраўленні па ахове культурнай спадчыны.
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.
