Вы тут

Радзіма дыназаўраў


Так называюць горад Хэюань.


Скамянелыя яйкі дыназаўраў — не рэдкасць у Хэюані. Гэты горад, які знаходзіцца ў правінцыі Гуандун у Паўднёва-Усходнім Кітаі, празвалі радзімай дыназаўраў у Кітаі, якая славіцца шматлікімі адпаведнымі знаходкамі, перадае «Жэньмінь жыбаа» анлайн».

У калекцыі Музея дыназаўраў Хэюаня ў 2004 годзе было прадстаўлена 10008 яек дыназаўраў, знойдзеных у гэтым раёне, што дазволіла музею атрымаць сертыфікат Кнігі рэкордаў Гінеса. Да канца 2018-га колькасць закамянелых яек дыназаўраў тут ужо дасягнула больш за 18000, што перавышае агульную колькасць такіх артэфактаў, якія захоўваюцца ў іншых музеях свету.

Выкапнёвыя яйкі, знойдзеныя ў горадзе Хэюань, належалі больш чым дзесяці відам дыназаўраў. Гэтыя скамянелыя яйкі валодаюць рознымі формамі, у тым ліку доўгай прастакутнай, прызматычнай і эліптычнай. Дыяметры яек вар’іруюцца ад 1,5 см да 19 см.

Чаму ў Хэюані так шмат яек дыназаўраў? На гэтае пытанне адказаў намеснік начальніка аддзела даследаванняў гарадскога Музея дыназаўраў Хуан Чжыцін, які выказаў здагадку, што ў старажытныя часы горад, верагодна, быў нізінных балотам. Тут быў мяккі клімат з дастатковай колькасцю ападкаў, прыродныя ўмовы вельмі падыходзілі для размнажэння дыназаўраў, таму раён стаў ідэальным месцам для таго, каб гэтыя жывёлы адкладвалі яйкі.

Выбар рэдакцыі

Грамадства

Магілёўская вобласць ушанавала лідараў уборачнай кампаніі

Магілёўская вобласць ушанавала лідараў уборачнай кампаніі

У Дзень работнікаў сельскай гаспадаркі і перапрацоўчай прамысловасці АПК.

Грамадства

Хворым на фенілкетанурыю могуць палепшыць забяспячэнне прадуктамі харчавання

Хворым на фенілкетанурыю могуць палепшыць забяспячэнне прадуктамі харчавання

Міністэрства аховы здароўя адказала на публікацыю «Звязды».