Вы тут

Прэзідэнт: Дзяржаўная дапамога — толькі з гарантыяй вяртання


Са старшынёй Мінскага абласнога выканаўчага камітэта Анатолем Ісачанкам Прэзідэнт абмеркаваў пытанні развіцця рэгіёна ў сацыяльнай, будаўнічай сферах. Асабліва спыніліся на дзяржпадтрымцы прамысловасці. 


Фота БЕЛТА

Прэзідэнт адзначыў, што дзяржава ўвесь час не можа цягнуць на плячах прадпрыемствы і аказваць ім матэрыяльную падтрымку без гарантый. «Там аж да 35-га года адтэрміноўкі, растэрміноўкі, крэдыты і гэтак далей», — удакладніў кіраўнік краіны.

Для вырашэння гэтых пытанняў губернатар звяртаўся ва ўрад: «Яны табе сказалі, не-не, мы да Прэзідэнта не пойдзем. Устаноўка такая. І яны вырашылі, ці ты вырашыў напрамую з Прэзідэнтам вырашыць гэтыя пытанні. Я гэта спецыяльна публічна кажу, каб і іншыя разумелі, што прынцып работы адзін. Я гатоў выслухоўваць праблемы, складаныя праблемы, якія трэба вырашаць, іх заўсёды хапае і ў нас, і ў іншых дзяржавах. Але рашенне гэтых праблем не павінна адкладвацца (калі тычыцца падтрымкі і дапамогі з боку дзяржавы) на няпэўныя часы, калі нас з табой не будзе. Растэрміноўкі вы такія прапаноўваеце часам», — сказаў лідар дзяржавы.

Яшчэ адно пытанне, на якое патрабуе адказ Прэзідэнт, — за кошт каго будуць падтрымліваць прамыслоўцаў. 

Па словах кіраўніка краіны, першая праблема стратных прадпрыемстваў — кадры. «Як толькі мяняем кіраўніка, адразу з’яўляецца нейкі ўсплёск актыўнасці на прадпрыемствах. Потым ён за 10 гадоў кладзецца на пасаду і не варушыцца, а мы ўсё яму даем адтэрміноўкі, растэрміноўкі і забяспечваем яму бюджэтныя ўліванні», — канстатаваў Аляксандр Лукашэнка.

Існуючыя праблемы неабходна вырашаць усім, у тым ліку і працоўнаму калектыву прадпрыемства — такі прынцып прапанаваў Прэзідэнт губернатару. 

«Калі ёсць пытанне, я скажу, будзем мы яго вырашаць, ці не, калі будзем, за кошт каго. Калі пазычыць грошай на год-два, я ўжо казаў,— калі ласка, можам пазычыць, але на год, на два. І не дай Бог, калі хтосьці іх не верне», — акцэнтаваў увагу беларускі лідар.

Выкладзеныя на сустрэчы пытанні датычацца менавіта невыканання абавязкаў.

Падзякаваў Анатоль Ісачанка за падпісаны Прэзідэнтам загад па фінансаваму аздараўленню холдынгу «Мясамалпрам», які забяспечыў стабільную працу ў гэтай сферы ў сельскай гаспадарцы. «За першае паўгоддзе мы атрымалі дзесьці 75 мільёнаў прыбытку. Выручка павялічылася на аднаго працоўнага, практычна 25 тысяч стала», — далажыў губернатар Мінскай вобласці.

«Вось у такім плане я гатоў табе дапамагаць і падтрымліваць. Дапамаглі, абавязкі выконваюцца, пад’ём пайшоў. Калі ласка, па любым прадпрыемстве. Але не ў бездань», — падкрэсліў Аляксандр Лукашэнка. 


Некаторыя падрабязнасці сустрэчы з лідарам краіны Анатоль Ісачанка расказаў журналістам: «Таксама былі ўзняты пытанні далейшага развіцця нашай Мінскай вобласці ў плане адукацыі, аховы здароўя, будаўніцтва і іншыя пытанні. Былі абазначаны падыходы для вырашэння гэтых пытанняў, што мы плануем рабіць, за кошт якіх рэсурсаў. У асноўным гэта нашы крыніцы, абласны бюджэт, плюс крэдытная маса. Прэзідэнтам гэтыя падыходы былі падтрыманы. Нам застаецца толькі працаваць».

Агучыў губернатар і высновы абмеркавання датацый для прадпрыемстваў — дзяржпадтрымка будзе аказана тым, хто яе аддасць.

Па словах Анатоля Ісачанкі, па выніках сямі месяцаў усе паказчыкі па эканамічным развіцці вобласцю выконваюцца. Тэмпы росту — пяць працэнтаў, і па годзе гэту лічбу плануюць утрымаць.

Амаль 30 працэнтаў жылля, якое ўзводзіцца ў рэспубліцы, будуецца ў Мінскай вобласці, таму старшыня Мінаблвыканкама звярнуў увагу на даручэнне ў сферы будаўніцтва. «Тут таксама былі абазначаны падыходы — прыярытэт надаваць тым прадпрыемствам ці забудоўшчыкам, у якіх ёсць поўнасцю свая база, механізмы, будаўнічае абсталяванне. І яны могуць не толькі кагосьці наняць, а самі заходзіць і будаваць», — канстатаваў Анатоль Ісачанка.

Марыя ДАДАЛКА

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.