Вы тут

У Мінску пакажуць рэдкія выданні каўказскіх твораў Льва Талстога


Літаратурна-мастацкая экспазіцыя "Каўказскія творы Льва Талстога" адкрыецца ў Дзяржаўным музеі гісторыі беларускай літаратуры 22 жніўня, паведамілі БЕЛТА арганізатары.


"У нашым сумесным праекце з мемарыяльным і прыродным запаведнікам "Музей-сядзіба Л.М.Талстога "Ясная Паляна" будуць прадстаўлены ілюстрацыі пецярбургскай мастачкі Вольгі Граблеўскай, створаныя адмыслова для калекцыйнага выдання "Каўказскія творы" Льва Талстога, - распавялі ў музеі. - Зборнік быў выпушчаны у 2018 годзе ў Пяцігорску выдавецтвам "Снег" сумесна з Музеем-сядзібай Л.Н.Талстога "Ясная Паляна" да 190-годдзя пісьменніка".

У выданне ўвайшлі вядомыя каўказскія творы пісьменніка: "Аперацыя", "Рубка лесу", "Разжалаваны", "Мільтан і Булька", "Казакі", "Каўказскі палонны", "Хаджы-Мурат". Цэнтральная навуковая бібліятэка імя Якуба Коласа НАН Беларусі пакажа рэдкія выданні.

Таксама на выставе можна будзе ўбачыць кніжныя выданні і рукапісы перакладаў твораў рускага пісьменніка на беларускую мову з фондаў Дзяржаўнага музея гісторыі беларускай літаратуры.

"Акрамя знаёмства з каўказскай тэмай у жыццё і творчасць Льва Талстога, наведвальнікі выставы змогуць ўспомніць вядомыя творы пісьменніка праз прыжыццёвыя выданні, апынуцца ва ўяўным месцы адпачынку і працы творцы, даведацца пра ўплыў творчасці Талстога на беларускую літаратуру", - анансавалі арганізатары.

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.