Мінэканомікі: Прагноз па росце ВУП на 4% у 2019 годзе не мяняецца

Прагноз па росце ВУП на 4% па выніках 2019 года не змяняецца, паведаміў міністр эканомікі Беларусі Дзмітрый Круты ў эфіры тэлеканала "Беларусь 1".

"Мы пакуль застаемся ў гэтых рамках, - сказаў Дзмітрый Круты ў адказ на пытанне, ці плануецца карэктаваць прагноз па росце ВУП у 2019 годзе. - Па першым паўгоддзі прагназаваўся рост на 1,8%, па факце атрымалася 0,9% у тых складаных знешніх умовах, у якіх мы апынуліся, асабліва ў апошнія месяцы. Якасныя параметры росту нашай эканомікі перавыкананы. Гэта і інфляцыя ніжэй за ўстаноўленыя заданні, і аб'ём прамых замежных інвестыцый - мы ўжо практычна $ 1 млрд маем па выніках пяці месяцаў, і выкананне задання ў $1,6 млрд па годзе праглядваецца. Але колькасныя параметры - ВУП і экспарт - недасягнулі сваіх значэнняў. Безумоўна, на тое ёсць і суб'ектыўныя, і аб'ектыўныя прычыны. Калі гаварыць у галіновым разрэзе, лідарам у першым паўгоддзі быў будаўнічы сектар. Рознічны тавараабарот вырас на 5,5%".