Вы тут

Беларусь зняла абмежаванні на колькасць дыпламатаў ЗША ў Мінску


Як паведаміў амерыканскі часопіс Foreіgn Polіcy, міністр замежных спраў Беларусі Уладзімір Макей у тэлефоннай размове з памочнікам дзяржаўнага сакратара ЗША па еўрапейскіх і еўразійскіх справах Ааранам Уэсам Мітчэлам 10 студзеня расказаў, што Беларусь зняла абмежаванні на колькасць дыпламатаў ЗША ў Мінску. Звесткі далі дзве крыніцы часопіса.


Нагадаем, з 2008 года амерыканскае пасольства ў Беларусі функцыянуе без пасла. Больш за тое, колькасць супрацоўнікаў першапачаткова была зменшана да пяці, аднак пазней ліміт павялічылі да дзесяці чалавек.

Дарэчы, Прэзідэнт Беларусі Аляксандр Лукашэнка сустракаўся з памочнікам Ааранам Уэсам Мітчэлам у канцы кастрычніка мінулага года.

«Калі мы з вамі прасунемся ў нашых адносінах, я вам абяцаю, што беларусы ў вас будуць самымі надзейнымі, сумленнымі і шчырымі партнёрамі. Прынамсі, калі мы дамовімся, калі беларусы нешта вам паабяцаюць, нават у шкоду сабе, мы гэта выканаем», — адзначыў Аляксандр Лукашэнка на той сустрэчы.

Міністэрства замежных спраў Беларусі пракаментавала БЕЛТА інфармацыю аб тэлефонных размовах паміж кіраўніцтвам ведамства і Дзяржаўнага дэпартамента ЗША. Начальнік упраўлення інфармацыі і лічбавай дыпламатыі — прэс-сакратар МЗС Беларусі Анатоль Глаз расказаў наступнае:

«Мы можам пацвердзіць факт некалькіх тэлефонных размоў, якія адбыліся апошнім часам паміж кіраўніцтвам Міністэрства замежных спраў Беларусі і Дзяржаўнага дэпартамэнта ЗША».

Паводле яго слоў, падчас гэтых гутарак бакі абмяркоўвалі розныя аспекты беларуска-амерыканскіх адносін, у тым ліку магчымасць іх паляпшэння. Аднак згодна з правіламі дыпламатычнай этыкі дэталёвы змест гэтых размоў не выдаецца.

Уладзіслаў ЛУКАШЭВІЧ

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

Баявыя поспехi шмат у чым залежалi ад быту, або пра што паведамляюць партызанскiя летапiсы

Баявыя поспехi шмат у чым залежалi ад быту, або пра што паведамляюць партызанскiя летапiсы

Партыйныя i камсамольскiя арганiзацыi партызанскiх атрадаў удзялялi вялiкую ўвагу адпачынку i вольнаму часу партызан.