На Кастрычніцкай плошчы сталіцы поўным ходам ідзе падрыхтоўка да Каляд і Новага года. Галоўную ёлку краіну ўпрыгожваюць біскучымі люстранымі шарамі. Зялёная прыгажуня ажно свеціцца ад сонечных зайчыкаў!
Брыгада мантажнікаў прадпрыемства “Мінскрэклама” падымаецца на спецыяльных аўтавышках на трыццаціметровую вышыню. На гэтых фатаздымках - прафесіяналы сваёй справы Анатоль Лебядзеў, Антон Казлоўскі, Яўген Дашкевіч, Аляксандр Хаткевіч.
Яны ўжо павесілі і яшчэ прымацуюць болей за тры тысячы бліскучых шароў. Кіраваць аўтавышкамі гэтым разам даручана вадзіцелям Ігару Швабовічу, Эдуарду Ігнацьеву, Віктару Хаткевічу і Андрэю Шыбкевічу.
Побач, на будучай святочнай пляцоўцы, ідзе мантаж светлавых канструкцый пад назвай “Навагодні шар”, які выконваюць спецыялісты “Мінгарсвятла”.
Анатоль КЛЯШЧУК
Фота аўтара
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
