Першая мяцеліца ў гэтым сезоне абрушылася на Нью-Ёрк і цалкам паралізавала рух у рэгіёне, паведамляе БЕЛТА са спасылкай на канал NBC New York.
Снегапад быў мацнейшы, чым прагназавалі ўсе метэаралагічныя службы. На дарогах працавалі каля 700 адзінак спецтэхнікі, але яны не спраўляліся з расчысткай снегу. З-за снежнай буры былі павалены шматлікія галіны дрэў па ўсім горадзе, у выніку чаго ў некаторых раёнах рух на дарогах быў перакрыты.
Дрэннае надвор'е ўскладняла рух грамадскага транспарту. Быў закрыты ўваход у аўтобусны тэрмінал на Манхэтэне.
Вялікая аварыя здарылася на мосце Джорджа Вашынгтона, які злучае Манхэтэн і Нью-Джэрсі. З-за ДТЗ частку моста давялося закрыць для руху.
Жыхары Нью-Ёрка актыўна дзяліліся ў сацсетках фота і відэа снегападу і яго наступстваў.
Летась зафіксавана зніжэнне колькасці выпадкаў гібелі на вытворчасці.
Карэспандэнты «Звязды» пабачылі, як праходзяць рэпетыцыі.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
