Вы тут

Чытайце ў кастрычніцкім нумары часопіса «Алеся»


«Зорка» па-за сцэнай      

Заслужаная артыстка Беларусі Іна Афанасьева неўзабаве адзначыць двайны юбілей — напрыканцы кастрычніка ёй споўніцца 50 гадоў, а 2 лістапада ў Палацы Рэспублікі спявачка дасць вялікі сольны канцэрт «Каханне маё...», прысвечаны 30-годдзю творчай дзейнасці. Кастрычніцкі нумар часопіса «Алеся» раскажа не толькі пра творчыя планы юбіляркі, але і пра сямейнае кола «зоркі», якое яе заўсёды натхняе і падтрымлівае. Чытачы даведаюцца таксама пра захапленні і схільнасці любімай спявачкі...

Хобі можа стаць бізнесам

У славянскай культуры здаўна прынята ашчадна ставіцца да тканіны. Магчыма адсюль і ўзнікла ў народзе традыцыя шыцця са шматкоў. А любоў да яго ператварыла спосаб эканомна выдаткоўваць тканіну ў самастойны від народнага мастацтва. У сучасных майстрых гэта тэхніка называецца на англійскі лад — «пэчварк». Мінчанка Анастасія Лях, пра якую ў кастрычніцкім нумары расказаў жаночы часопіс «Алеся», убачыла ў грамадскім транспарце стракатую дзіцячую коўдрачку. І ёй захацелася ўпрыгожыць утульнымі рэчамі са шматкоў свой дом. Неўзабаве хобі ператварылася ва ўласны паспяховы бізнес.

Матушка з Каменнай Горкі

Яны пазнаёміліся яшчэ дзецьмі. Сябравалі, сталелі, вучыліся. Надышоў час, калі малады святар Павел Сярдзюк зрабіў прапанову рукі і сэрца сваёй даўняй сяброўцы — культуролагу Вераніцы. Неўзабаве была выдзелена зямля ў мінскім мікрараёне Каменная Горка для будаўніцтва храма свяціцеля Мікалая Японскага. З часам, дзякуючы намаганням настаяцеля протаіерэя Паўла, храм стаў цэнтрам прыцягнення не толькі для прыхаджан, але і для многіх тутэйшых жыхароў. Ва ўсіх пачынаннях Паўла актыўна падтрымлівала жонка. Шматдзетная маці Вераніка Сярдзюк у кастрычніку стала госцяй часопіса «Алеся».

Выбар рэдакцыі

Грамадства

Не трапіць у рабства анлайн. Як у краіне змагаюцца з гандлем людзьмі

Не трапіць у рабства анлайн. Як у краіне змагаюцца з гандлем людзьмі

З 2000 года ў Беларусі выяўлена 4421 злачынства, звязанае з гандлем людзьмі.

Эканоміка

Дзесяць пытанняў пра крэдыты, або Што трэба ведаць аб крэдыце, каб ён стаў сродкам рэалізацыі мэт, а не цяжарам на плячах

Дзесяць пытанняў пра крэдыты, або Што трэба ведаць аб крэдыце, каб ён стаў сродкам рэалізацыі мэт, а не цяжарам на плячах

Пра што абавязкова трэба падумаць перад тым, як браць на сябе фінансавыя абавязацельствы перад банкам?