Вы тут

Лукашэнка сустрэўся з сакратаром Савета бяспекі пры Прэзідэнце Узбекістана


Супрацоўніцтва і абмен вопытам — Аляксандр Лукашэнка сустрэўся з сакратаром Савета бяспекі пры Прэзідэнце Узбекістана.

Візіт Віктара Махмудава ў Беларусь прысвечаны абмеркаванню ваенна-тэхнічнага ўзаемадзеяння. Яно з'яўляецца адным з раздзелаў карты далейшага развіцця супрацоўніцтва дзвюх краін. Выпрацаваць такі план Аляксандр Лукашэнка і Шаўкат Мірзіёеў дамовіліся падчас афіцыйнага візіту Прэзідэнта Беларусі ва Узбекістан у верасні гэтага года.


Аляксандр Лукашэнка паабяцаў падзяліцца напрацоўкамі і вопытам беларускага ваеннага комплексу ў кірунках, якія зацікавяць партнёраў з Узбекістана, — ад падрыхтоўкі кадраў да ўзбраення.

Пазітыўную дынаміку ў супрацоўніцтве ў гэтай сферы падкрэсліў і Віктар Махмудаў. «Практычна ўся дарожная карта (план практычных дзеянняў па далейшым развіцці супрацоўніцтва паміж Беларуссю і Узбекістанам у галіне бяспекі на 2017—2018 гады. — Рэд.), якую мы запланавалі на 2018 год, цалкам рэалізавана. Мы задаволены дасягнутымі вынікамі. І па выніках нашых кансультацый падпісалі новую дарожную карту на 2019—2020 гады», — сказаў сакратар Савета бяспекі пры Прэзідэнце Узбекістана.

«Мы абавязкова выканаем узятыя на сябе абавязацельствы», — запэўніў Аляксандр Лукашэнка.

Беларускі лідар акцэнтаваў увагу, што ў адносінах з Узбекістанам за пару гадоў пераадолелі шлях, які не змаглі прайсці да гэтага за два дзесяцігоддзі.

Падчас размовы кіраўнік дзяржавы звярнуў увагу на значныя поспехі ў знешняй палітыцы свайго калегі з Узбекістана. Аляксандр Лукашэнка адзначыў, што Шаўкат Мірзіёеў «хутка нармалізаваў адносіны з суседзямі, выдатна паводзіць сябе на міжнароднай арэне, у яго выдатныя адносіны і з Захадам, і з Усходам».

Па выніках двухдзённага візіту Аляксандра Лукашэнкі ва Узбекістан у верасні 2018 года былі падпісаны 16 дакументаў аб развіцці ўзаемадзеяння ў разнастайных сферах. Найбольш прадукцыйнымі галінамі для супрацоўніцтва вызначаны вытворчая кааперацыя ў машынабудаванні, аграпрамысловым комплексе, транспартнай і фармацэўтычнай галінах, сферы інфармацыйных тэхналогій.

Паводле БелТА

Фота БЕЛТА

Загаловак у газеце: Партнёрства як сінонім дамоўленасці

Выбар рэдакцыі

Грамадства

Успаміны былой вязніцы пра Саласпілскі лагер смерці

Успаміны былой вязніцы пра Саласпілскі лагер смерці

Яна добра памятае той летні дзень. За акном сталі чутныя роў матацыклаў і нямецкая гаворка.

Грамадства

Першыя беларускія Соdе Сlub далучыліся да сусветнага руху

Першыя беларускія Соdе Сlub далучыліся да сусветнага руху

Як з дапамогай кода стварыць уласную анімацыю і «ажывіць» касмічны карабель? 

Грамадства

Як Віцебшчына развівае стасункі з Кітаем

Як Віцебшчына развівае стасункі з Кітаем

Наш карэспандэнт пастараўся згадаць самыя цікавыя прыклады сумеснай рэалізацыі праектаў.

Спорт

Анастасія Мірончык-Іванова: «Веру ў сябе і ў свае сілы»

Анастасія Мірончык-Іванова: «Веру ў сябе і ў свае сілы»

У спорце ёй двойчы прыходзілася пачынаць усё спачатку.