Сёння ранкам ратавальнікі Жлобінскага раённага падраздзялення МНС выехалі па паведамленню аб неабходнасці аказання дапамогі па ўскрыцці дзвярэй легкавога аўтамабіля, у якім знаходзілася малалетняе дзіця. Такая сітуацыя склалася на вуліцы Першамайскай у Жлобіне.
На месцы ратавальнікі даведаліся, што бацька дзіцяці завёў легкавік “Форд Фіеста”, пасадзіў туды дачку 2017 года нараджэння на пярэдняе сядзенне і пайшоў ачышчаць лабавое шкло. У гэты час дзіця націснула кнопку і заблакіравала ўсе дзверы ў аўтамабілі і аказалася запёртай унутры.
Работнікі МНС пры дапамозе шанцавага інструмента ўскрылі дзверы кіроўцы. Дзіця ва ўзросце 1 года і 8 месяцаў не пацярпела, патрэбы ў медыцынскай дапамозе не было.
Сяргей РАСОЛЬКА
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?