Вы тут

Крымінальная справа ўзбуджана па факце выбуху на «Магілёўдрэве»


На "Магілёўдрэве" адбылося надзвычайнае здарэнне, шэсць чалавек пацярпелі, паведаміў БЕЛТА афіцыйны прадстаўнік Магілёўскага абласнога ўпраўлення МНС Вадзім Урублеўскі.


"На момант здарэння ў цэху знаходзілася працоўная змена 9 чалавек, усе яны самастойна пакінулі будынак. Пацярпелі 6 чалавек, якія шпіталізаваны. Іх стан урачы ацэньваюць як цяжкі і сярэдняй ступені цяжкасці. У адной з фарбавальных камер, размешчаных у цэху, адбылося разбурэнне сцяны з сэндвіч-панэляў на плошчы 300 кв.м., 6 аконных блокаў, 10 кв.м. шклення, пашкоджаны паветраводы. Абсталяванне не пашкоджана", - паведамілі ў МНС.

Па дадзеным факце ўзбуджана крымінальная справа па прыкметах складу злачынства, прадугледжанага ч. 2 арт. 302 (парушэнне правілаў вытворча-тэхнічнай дысцыпліны і правілаў бяспекі, якія прывялі да выбуху і прычынення цяжкіх цялесных пашкоджанняў работнікам прадпрыемства) Крымінальнага кодэкса Рэспублікі Беларусь. Аб гэтым заявілі ў прэс-службе Следчага камітэта.

Фота: sk.gov.by

Фота: mchs.gov.by

Фота: mchs.gov.by

Паводле даных міністэрства, прычына выбуху выяўляецца. Меркаваны тэрмін аднаўлення працы мэблевага цэха будзе вызначаны камісіяй прадпрыемства.

Па факце выбуху ўзбуджана крымінальная справа. Пра гэта заявіў старшыня Следчага камітэта Іван Наскевіч, які прыехаў на прадпрыемства. Старшыня СК каардынаваў працу на месцы, правёў аператыўную нараду са следчай групай і супрацоўнікамі МНС, ГКСЭ, камісіі па працы і кіраўніцтвам прадпрыемства. Следчы камітэт працуе на месцы здарэння на ААТ "Магілёўдрэў". 

"У бліжэйшы час прадаставім поўную інфармацыю па сітуацыі. Карэкціроўка па пацярпелых: тры жанчыны, трое мужчын. Тры ў цяжкім стане, адна перавезена ў Мінск для аказання медыцынскай дапамогі", - паведаміла афіцыйны прадстаўнік СК Юлія Ганчарова.

Раніцай, пасля кансультацыі і абследавання, адна пацыентка ў вельмі цяжкім стане была шпіталізавана ў Рэспубліканскі апёкавы цэнтр Бальніцы хуткай медыцынскай дапамогі Мінска, паведамілі ў прэс-службе Міністэрства аховы здароўя і дадалі, што сёння плануецца перавод у Мінск яшчэ некалькіх пацыентаў.

"На момант выбуху ў вытворчым памяшканні знаходзіліся шэсць работнікаў. З тэрмічнымі пашкоджаннямі рознай ступені цяжкасці яны былі шпіталізаваны - у Магілёўскую бальніцу №1 і Магілёўскую бальніцу хуткай медыцынскай дапамогі".

Фота: sk.gov.by

Паводле папярэдніх даных, увечары 25 верасня каля 18 гадзін 30 хвілін у лакафарбавай цэху прадпрыемства адбыўся выбух, у выніку якога адбылося ўзгаранне дадзенага вытворчага ўчастка. Супрацоўнікамі МНС пажар ліквідаваны.

На момант выбуху ў вытворчым памяшканні знаходзілася шэсць работнікаў. З цялеснымі пашкоджаннямі рознай ступені цяжкасці яны шпіталізаваны ва ўстановы аховы здароўя.

"У цяперашні час следчымі ўстанаўліваюцца абставіны здарэння, адбіраецца дакументацыя прадпрыемства, у тым ліку тая, што рэгламентуе тэхніку бяспекі на вытворчасці. Апытваюцца відавочцы, а таксама службовыя асобы ААТ «Магілёўдрэў». Па выніках першапачатковых мерапрыемстваў будзе прынята працэсуальнае рашэнне", - паведамляецца ў Telegram-канале Следчага камітэта.

Фота: mchs.gov.by

Фота: mchs.gov.by

Выбар рэдакцыі

Грамадства

Школы Гомельшчыны прайшлі праверку на гатоўнасць да навучальнага года

Школы Гомельшчыны прайшлі праверку на гатоўнасць да навучальнага года

Сё­ле­та ў да­школь­ныя ўста­но­вы ра­ё­на прый­дзе 2 700 ма­лых.

Калейдаскоп

Вясёлыя гісторыі чытачоў

Вясёлыя гісторыі чытачоў

Чый боршч найлепш і навошта гарод гарадзіць.

Грамадства

​Моладзь пры ўладкаванні на працу жадае заробак у тысячу рублёў

​Моладзь пры ўладкаванні на працу жадае заробак у тысячу рублёў

Хоць толькі збіраюцца выйсці на рынак працы.