Паліва на АЗС у Беларусі заўтра падаражэе на 1 капейку

Паліва на аўтазаправачных станцыях у Беларусі з 23 верасня падаражэе на 1 капейку, паведамілі карэспандэнту ў прэс-службе канцэрна "Белнафтахім".

Такім чынам, кошт бензіну АІ-92-К5-Еўра складзе Br1,36, АІ-95-К5-Еўра - Br1,44, АІ-98-К5-Еўра - Br1,65, дызельнага паліва - Br1,44.

У "Белнафтахіме" адзначылі, што канцэрн працягвае рэалізацыю палітыкі, накіраванай на паэтапнае павышэнне коштаў на аўтамабільнае паліва, з улікам росту цэны на нафту ў мэтах кампенсацыі ўзрослых выдаткаў НПЗ на набыццё вуглевадароднай сыравіны.

БЕЛТА