Падчас моцнага землятрусу ў прэфектуры Осака на захадзе Японіі загінулі тры чалавекі.
Сярод іх дзевяцігадовая дзяўчынка, якую прыціснула сцяной ля школьнага басейна ў горадзе Такацукі, а таксама двое мужчын у горадзе Осака і ў раёне Хігасіёдагава.
Колькасць пацярпелых, па апошніх дадзеных, дасягнула 91.
Землятрус магнітудай 6,1 адбыўся раніцай у панядзелак. Яго эпіцэнтр знаходзіўся на поўначы прэфектуры Осака, ачаг залягаў на глыбіні 13 кіламетраў.
Спыніўся рух на чыгунцы, у тым ліку хуткасныя цягнікі "Сінкансэн". Адмененыя авіярэйсы ў аэрапорце Осакі. У прэфектурах Осака і Хёга без электрычнасці засталіся каля 170 тысяч дамоў і кватэр.
Урад адкрыў надзвычайны штаб па ліквідацыі наступстваў землятрусу.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?