Вы тут

Дэпутат парламента Вялікабрытаніі сустрэўся з Міхаілам Мясніковічам


Высокую ролю Беларусі ў садзейнічанні мірнаму ўрэгуляванню канфлікту ва Украіне адзначыў дэпутат парламента Вялікабрытаніі, кіраўнік міжпартыйнай групы па Беларусі Джон Вітынгдэйл. Ён разам з дэлегацыяй наведаў нашу краіну і сустрэўся са старшынёй Савета Рэспублікі Нацыянальнага сходу Беларусі Міхаілам МЯСНІКОВІЧАМ.


Гэта першы візіт парламенцкай дэлегацыі Вялікабрытаніі ў гісторыі двухбаковых адносін. У Мінск прыехалі тры дэпутаты ад кіраўнічай партыі і тры ад апазіцыйных. Міхаіл Мясніковіч звярнуў увагу, што такі візіт можа сімвалічна адкрыць новую старонку ў супрацоўніцтве, з чым пагадзілася Паўнамоцны і Надзвычайны Пасол Вялікабрытаніі ў Беларусі Фіёна Гіб. Старшыня Савета Рэспублікі падкрэсліў: «І сёння, і падчас работы нашых груп дружбы няма ніякіх абмежаванняў па рэгламенце і па пераліку пытанняў. Мы гатовыя абмяркоўваць усе пытанні, якія ўяўляюць узаемны інтарэс».

Таксама Міхаіл Мясніковіч нагадаў пра міжнародны форум па бяспецы ў Еўропе, які праходзіў на мінулым тыдні і дзе прынялі ўдзел прадстаўнікі 50 дзяржаў, у тым ліку Вялікабрытаніі. Спікер адзначыў, што наша краіна шмат увагі ўдзяляе фарміраванню палітыкі даверу і зніжэнню напружанасці ў свеце наогул і ў Еўропе ў прыватнасці. Міхаіл Мясніковіч падкрэсліў, што «мы актыўна ўцягнуты ў пытанне ўрэгулявання няпростай сітуацыі ва Украіне».

Джон Вітынгдэйл канстатаваў, што паступова ўзмацняюцца ўзаемасувязі паміж Беларуссю і Вялікабрытаніяй. У тым ліку дзякуючы намаганням нашых паслоў. Дэпутат таксама нагадаў пра ўдзел нашай краіны ў мірным ўрэгуляванні сітуацыі ў Нагорным Карабаху. Акрамя таго, парламентарый звярнуў увагу на тое, што Вялікабрытанія прыняла рашэнне выходзіць з ЕС, таму зараз асаблівая ўвага аддаецца ўзмацненню як палітычных, так і эканамічных узаемасувязяў з краінамі па-за Еўрасаюзам.

Алег РУМО, кіраўнік рабочай групы Нацыянальнага сходу Беларусі па супрацоўніцтве з парламентам Вялікабрытаніі, нагадаў, што групы дружбы ў парламентах былі заснаваны ў мінулым годзе. І летась падчас першай сустрэчы ў Лондане была дамоўленасць працягваць гэтыя кантакты. Алег Румо спадзяецца, што падчас візіту бакі намецяць пытанні, над якімі будуць працаваць у далейшым. У тым ліку чакаецца больш актыўнае супрацоўніцтва і паміж бізнесамі, і ў сацыяльных праектах.

Надзея АНІСОВІЧ

Загаловак у газеце: Новая старонка супрацоўніцтва

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.