Вы тут

У Беларусі плануецца стварыць яшчэ больш за 20 эталонаў


А праект новай рэдакцыі Закона «Аб забеспячэнні адзінства вымярэнняў» будзе ўнесены ў парламент у чэрвені

Пра гэта паведаміў старшыня Дзяржаўнага камітэта па стандартызацыі Віктар НАЗАРАНКА.


«Мінулая версія закона запатрабавала перагляду з улікам падыходаў, звязаных з развіццём навукі і тэхнікі, інтэграцыйных працэсаў у рамках ЕАЭС, — сказаў Віктар Назаранка. — Гэты закон у бягучым месяцы праходзіць публічнае абмеркаванне. Мы правялі некалькі грамадска-кансультатыўных саветаў, абмяркоўвалі шэраг пытанняў з органамі дзяржаўнага кіравання. Тэма ёмістая, і абмеркаванне было дэталёвае». Ён таксама адзначыў, што ў маі праект будзе ўнесены ва ўрад, а ў чэрвені — у парламент.

Праект рэдакцыі закона ўлічвае дакументы міжнародных арганізацый па метралогіі, вопыт Еўрапейскага саюза; адпавядае палажэнням Дагавора аб ЕАЭС і досыць дэмакратычны ў адносінах да прамысловай метралогіі. Старшыня камітэта па стандартызацыі адзначыў, што паняцці метралогіі, якасці і канкурэнтаздольнасці прадукцыі неаддзельныя. «Вытворчасць прадукцыі звязана з вымярэннямі. Вельмі важна не проста задэклараваць, што той ці іншы тавар адпавядае характарыстыкам, а дакладна адзначыць іх, каб прыняць патрэбныя рашэнні і давесці гэтую інфармацыю да спажыўца».

Сусветны дзень метралогіі адзначаецца 20 мая. Да яго ў нашай краіне прымеркавана правядзенне розных мерапрыемстваў. Арганізацыі Дзяржстандарта правядуць у рэгіёнах краіны дні адкрытых дзвярэй, семінары, тэматычныя заняткі, накіраваныя на прыцягненне ўвагі да метралагічнай дзейнасці як важнага складніка забеспячэння якасці і канкурэнтаздольнасці айчыннай прадукцыі і паслуг.

Пры падтрымцы дзяржавы створана сучасная эталонная база. Яна ўключае 54 дзяржаўныя эталоны і будзе пашырацца з улікам развіцця тэхнічнага патэнцыялу краіны. Плануецца ў перыяд да 2020 года стварыць яшчэ 20 эталонаў для развіцця атамнай энергетыкі і звязаных з ёй тэхналогій, сферы інфармацыйных тэхналогій, кантролю якасці паліўна-энергетычных рэсурсаў, абароны ад надзвычайных сітуацый, медыцынскіх паслуг, будаўніцтва і сельскай гаспадаркі.

Сяргей КУРКАЧ

Выбар рэдакцыі

Грамадства

Псiхолаг тлумачыць, чаму паўза пасля заканчэння школы — не трагедыя

Псiхолаг тлумачыць, чаму паўза пасля заканчэння школы — не трагедыя

Педагогi, як i бацькi, павiнны быць уважлiвыя да любой праявы адоранасцi.

Эканоміка

Як вылечыць эканомiку ад каранакрызiсу?

Як вылечыць эканомiку ад каранакрызiсу?

Нягледзячы на тое што сучасны свет перажываў досыць шмат эканамiчных крызiсаў, той, што разгортваецца ў 2020 годзе, — унiкальны. 

Грамадства

Маладая актрыса Iрына Якавец: Нецiкавых роляў не iснуе

Маладая актрыса Iрына Якавец: Нецiкавых роляў не iснуе

Першым спектаклем, у якiм я ўзяла ўдзел, быў «Вясёлы Роджэр».

Грамадства

Андрэй Худык: Неабходная мабілізацыя ўсіх узроўняў улады, грамадства і бізнесу для сумесных дзеянняў па ахове прыроды

Андрэй Худык: Неабходная мабілізацыя ўсіх узроўняў улады, грамадства і бізнесу для сумесных дзеянняў па ахове прыроды

Ад таго, наколькі беражліва людзі ставяцца да прыроды, залежыць якасць іх жыцця, здароўе і нават дабрабыт.