У супрацоўніцтве з Сусветнай арганізацыяй фермераў кампанія Bауеr шукае прафесіяналаў ва ўсім свеце, якія ўкараняюць інавацыі ў галіне гадоўлі буйной рагатай жывёлы.
Саrе4Саttlе — гэта глабальны грант, які дае інструменты і рэсурсы для наватараў у галіне ўтрымання буйной рагатай жывёлы, прапаноўвае прамую і мэтанакіраваную падтрымку фермерам і ветэрынарам. У межах гранта можна пачаць або ўдасканаліць інавацыйныя і практычныя спосабы павышэння якасці ўтрымання малочнай і мясной жывёлы на ферме. Агульнае фінансаванне праекта — 30 000 еўра.
З атрыманых заявак група незалежных экспертаў з акадэмічных колаў і дзяржаўнага сектара, а таксама прадстаўнікі Сусветнай арганізацыі фермераў і Bауеr будуць выбіраць праекты, якім выдзеляць фінансаванне і адпаведны аб'ём гранта.
Падаць адпаведныя заяўкі могуць фермы і фермеры; ветэрынары-практыкі, якія цесна супрацоўнічаюць з фермерамі ў сферы жывёлагадоўлі, выпускнікі і даследчыкі ў галіне ветэрынарыі, жывёлагадоўлі або сельскагаспадарчай навукі, якія ўдзельнічаюць у фермерскіх гаспадарках, у іх даследаваннях па ўтрыманні буйной рагатай жывёлы.
Для таго каб паспрабаваць атрымаць грант, трэба запоўніць анлайн-заяўку (на англійскай мове) па спасылцы. Да яе трэба дадаць праектнае абгрунтаванне (максімум пяць старонак), у якім будуць выкладзены дакладныя мэты праекта, дэталі лагістыкі, уключаючы прапанаванае выкарыстанне гранта або этапы/вынікі ўжо існуючага праекта, а таксама суправаджальныя малюнкі (метадычныя рэкамендацыі). Падаць заяўку можна да 25 чэрвеня 2018 года.
Вераніка ПУСТАВІТ
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.