Музейны лекторый з інтэрактыўнымі ілюстрацыямі «Як Мінск сталіцай стаў» пройдзе 3 сакавіка ў сталічнай ратушы ў музеі гісторыі горада.
На мерапрыемстве, прысвечаным 951-й гадавіне першай летапіснай згадкі пра Мінск, можна будзе пазнаёміцца з рознымі перыядамі развіцця горада як адміністрацыйна-гаспадарчага і культурнага цэнтра воласці, ваяводства, губерні, краіны. З лекцыямі выступяць вядомыя навукоўцы, мастацтвазнаўцы, вядучыя навуковыя супрацоўнікі музея гісторыі Мінска, Інстытута гісторыі НАН Беларусі, рэспубліканскай лабараторыі гісторыка-культурнай спадчыны Цэнтра даследаванняў беларускай культуры, мовы і літаратуры. Наведвальнікаў чакаюць сюрпрызы і гістарычныя тэатралізаваныя ілюстрацыі. Уваход вольны, але з абавязковай рэгістрацыяй па тэлефоне 8 017 321-24-30.
Музей гісторыі Мінска адкрыўся ў 2010 годзе. У наш час установа аб'ядноўвае дзевяць музейных аб'ектаў, сярод якіх Мінская гарадская ратуша, Мастацкая галерэя Міхаіла Савіцкага, Гарадская мастацкая галерэя твораў Шчамялёва, арт-гасцёўня «Высокае места», музей-майстэрня скульптара Івана Міско, музей «Лошыцкая сядзіба». Аснову фондаў складаюць калекцыі археалагічных раскопак Мінска XІ—XІX стагоддзяў: кераміка, вырабы са скуры, косці, дрэва, металу, ювелірныя ўпрыгажэнні, манеты. Значная частка збораў — мемарыяльныя калекцыі выдатных грамадзян горада, калекцыі жывапісу, графікі, фатаграфіі, дэкаратыўна-прыкладнога мастацтва.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
