Міхаіл МЯСНІКОВІЧ, старшыня Савета Рэспублікі Нацыянальнага сходу Беларусі, наведаў Дзяржаўны камітэт судовых экспертыз і азнаёміўся з асноўнымі напрамкамі яго работы. Старшыня Дзяржаўнага камітэта Андрэй Швед расказаў пра матэрыяльна-тэхнічнае і кадравае забеспячэнне органаў камітэта.
Падчас абмеркавання была адзначана зацікаўленасць Дзяржкамітэта ў сумеснай працы з Нацыянальнай акадэміяй навук Беларусі. Выказана прапанова аб арганізацыі сустрэч, на якіх бакі маглі б абмеркаваць магчымасць рэалізацыі сумесных праектаў, у тым ліку за кошт сродкаў рэспубліканскага інавацыйнага фонду.
Старшыня Савета Рэспублікі сустрэўся з калектывам Дзяржаўнага камітэта судовых экспертыз. Спікер верхняй палаты парламента адказаў на пытанні супрацоўнікаў Дзяржаўнага камітэта. У прыватнасці, адзін з удзельнікаў сустрэчы пацікавіўся, ці плануецца ў Беларусі адмяніць дарожны збор. Міхаіл Мясніковіч адзначыў, што ў найбліжэйшы час такой меры не прадугледжана. Таксама прагучала пытанне, якое датычыцца правядзення ў Беларусі другіх Еўрапейскіх гульняў. Старшыня Савета Рэспублікі падкрэсліў, што ў нашай краіне створана сучасная спартыўная і гасцінічная інфраструктура, якая дазволіць дастойна прыняць спаборніцтвы такога ўзроўню.
Вераніка ПУСТАВІТ
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
