Хлопчык, які прапаў у Белавежскай пушчы яшчэ 16 верасня, аб'яўлены ў міжнародны вышук, паведамляе Следчы камітэт.
Органы ўнутраных спраў Беларусі накіравалі па ліні Інтэрпола інфармацыю пра яго, перадалі фатаграфію і апісанне. Гэтыя звесткі цяпер будуць даступныя для спецыялістаў 99 працэнтаў краін. Паколькі ў праваахоўнікаў іншых дзяржаў цяпер ёсць фатаграфія і апісанне хлопчыка, пры яго магчымым знаходжанні за межамі краіны гэтая інфармацыя будзе аператыўна перададзена ў Беларусь.
Нагадаем, раней Следчы камітэт завёў крымінальную справу па факце знікнення 10-гадовага Максіма Мархалюка, жыхара аграгарадка Новы Двор Свіслацкага раёна. Расследаванне працягваецца, разглядаецца шырокі спектр версій таго, што адбылося. Нядаўна з'явілася інфармацыя аб быццам бы «польскім следзе» зніклага хлопчыка, аднак у далейшым яна не пацвердзілася. Як паведамлялася, валанцёры ў пошуках удзелу ўжо не бяруць, гэтым займаецца міліцэйскае спецпадраздзяленне.
Фота Надзеі БУЖАН
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.
