Па выніках выбарчай кампаніі будзе сфарміраваны новы ўрад і прызначаны канцлер. Вялікіх нечаканасцяў на парламенцкіх выбарах у ФРГ нямецкія эксперты не прадбачаць. Участкі для галасавання адкрыліся ў 8.00 па мясцовым часе і зачыняцца ў 18.00. Пасля іх закрыцця будуць апублікаваныя першыя дадзеныя экзітполаў.
У выбарах удзельнічаюць звыш 40 партый. У парламент трапяць прадстаўнікі толькі тых партый, якія атрымаюць не менш за 5% галасоў падтрымкі па ўсёй краіне.
Як паказваюць вынікі апытанняў грамадскай думкі, Хрысціянска-дэмакратычны саюз (ХДС) карыстаецца найбольшай падтрымкай выбаршчыкаў. Асноўны супернік - Сацыял-дэмакратычная партыя пад кіраўніцтвам Марціна Шульца.
Усяго ў выбарах павінны прыняць удзел каля 61,5 мільёна чалавек. Дзень парламенцкіх выбараў, 24 верасня, супаў з правядзеннем Берлінскага марафона.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?