25 Май, пятніца

Вы тут

Банкі загаварылі па-беларуску з уладальнікамі смартфонаў


Фінансавым паліглотам стаў Альфа-Банк, які пачаў размаўляць праз мабільны банкінг на беларускай мове. На ім загаварыла праграма Іnsуnс.bу, якой цяпер карыстаюцца больш за 80 тысяч чалавек.


Мабільны банк навучыла размаўляць па-беларуску вераснёўскае абнаўленне. Уладальнікі смартфонаў на ОS Аndrоіd і іОS могуць выбраць родную мову ў наладках. Пасля гэтага ўся камунікацыя будзе ісці па-беларуску. Пры жаданні можна карыстацца версіямі праграмы на рускай альбо англійскай мове. Іnsуnс.bу таксама атрымала падвойныя карткі «А-Курс Рrо»: адну — у беларускіх рублях, другую — у доларах. Абедзве карткі дастаўляюць кур'ерам дадому, наведваць аддзяленне банка не трэба. Іх уладальнік можа прадаваць і набываць валюту па аднолькавым курсе, які заўсёды застаецца найлепшым на рынку. Таксама ў банку падвоілі ліміты на абмен валюты і павялічылі кэшбэк, які зараз складае 1%.

Карыстальнікі мабільнага банка цяпер могуць бясплатна перавесці на свой рахунак да 6000 рублёў. Грошы можна перакінуць з карткі любога банка. Зараз гэта можна зрабіць і праз WеbРау непасрэдна ў праграме. Яна прэтэндуе на статус першага ў Беларусі лічбавага банка. Ён ужо дазваляе кіраваць рахункамі ў любых валютах і весці ўлік гульнявога золата па кабрэндынгавых картках сусвету Wаrgаmіng. Цяпер таксама можна заказаць бонусную картку Аlfа-lіfе і аформіць віртуальную картку ёСаrd для бяспечнай пакупкі ў інтэрнэце. Усё гэта цяпер можна зрабіць са смартфона.

«Па сутнасці, Іnsуnс.bу выходзіць за рамкі звыклага ўсім мабільнага банка. З яе дапамогай ужо можна адкрываць рахункі, мяняць валюту, аплачваць плацяжы і пераводзіць грошы са смартфона. Ва ўладальнікаў праграмы практычна няма неабходнасці наведваць банкаўскія аддзяленні», — падкрэсліла кіраўнік па электронным бізнесе Альфа-Банка (Беларусь) Вольга Філіпенка.

Сяргей КУРКАЧ

kurkасh@zvіаzdа.bу

Дадаць каментар

Выбар рэдакцыі

Эканоміка

Новабудоўлі: бюджэтных прапаноў амаль не засталося

Новабудоўлі: бюджэтных прапаноў амаль не засталося

Але на другасным рынку «хапун» на нерухомасць хутка скончыцца, лічаць эксперты.

Грамадства

Што прыводзіць да траўмаў на вытворчасці?

Што прыводзіць да траўмаў на вытворчасці?

Летась на вытворчасці адбылося амаль 1400 няшчасных выпадкаў. Многа гэта ці мала? 

Палітыка

Прэзідэнт узяў удзел у форуме экспертнай ініцыятывы «Мінскі дыялог»

Прэзідэнт узяў удзел у форуме экспертнай ініцыятывы «Мінскі дыялог»

Сёлета ён атрымаў назву «Усходняя Еўропа: у пошуках бяспекі для ўсіх».