Супрацоўнікамі Фрунзенскага РУУС сталіцы затрыманы 28-гадовы мінчанін, які падазраецца ў жорсткім абыходжанні з сабакам, якое прывяло да смерці жывёлы.
У суботу каля поўдня ў міліцыю патэлефанавалі грамадзяне і паведамілі, што невядомы з акна пятага паверха дома па вуліцы Скрыпнікава выкінуў сабаку. Ад атрыманых траўмаў жывёла памерла на месцы. Міліцыянеры ўстанавілі, што ў кватэры знаходзіліся трое: гаспадыня і двое яе знаёмых, якія распівалі спіртныя напоі. Прычынай такога жорсткага ўчынку стала тое, што сабака справіў свае патрэбы на падлогу.
У дачыненні да затрыманага мужчыны распачата крымінальная справа па артыкуле 339-1 Крымінальнага кодэкса Рэспублікі Беларусь («Жорсткае абыходжанне з жывёламі»). Раней грамадзянін прыцягваўся да крымінальнай адказнасці за махлярства.
Сяргей РАСОЛЬКА
Сумесныя праекты ядзерных тэхналогій.
