23 студзеня, аўторак

Вы тут

Рэспубліканскі педагагічны савет дасць старт навучальнаму году


Рэспубліканскі педагагічны савет пройдзе ў Мінску 23-24 жніўня. Удзел у ім возьмуць каля 1 тысячы педагогаў, кіраўнікоў устаноў адукацыі, рэспубліканскіх і мясцовых органаў дзяржаўнага кіравання, а таксама прадстаўнікоў грамадскіх аб'яднанняў і галіновага прафсаюза.


Як патлумачылі ў Міністэрстве адукацыі, мэта форуму - вызначыць задачы на ​​2017/2018 навучальны год, а таксама абмеркаваць канцэптуальныя падыходы да развіцця сістэмы адукацыі на кароткатэрміновы (да 2020 года) і доўгатэрміновы (да 2030-га) перыяды.

Галоўны пасыл - пераход да абавязковай для ўсіх навучэнцаў агульнай сярэдняй адукацыі, якая стане гарантам паспяховай сацыялізацыі беларускай моладзі. Агульную сярэднюю адукацыю ў Беларусі атрымліваюць практычна ўсе выпускнікі школ, ліцэяў і каледжаў, што сведчыць пра гатоўнасць грамадства да такога кроку. Да таго ж у Кодэксе аб адукацыі закладзены заканадаўчы калідор для гэтай навацыі.

Нагадаем, што днямі пытанні развіцця і ўдасканаленне адукацыйнай сферы  абмяркоўвалася на рабочай сустрэчы кіраўніка дзяржавы Аляксандра Лукашэнкі з віцэ-прэм'ерам Васіліем Жарко і міністрам адукацыі Ігарам Карпенка. Адной з тэм, што ўзнімаліся, была менавіта падрыхтоўка да правядзення Рэспубліканскага педагагічнага савета. "Мы павінны правесці яго на годным ўзроўні. На падобных педагагічных саветах Прэзідэнт даўно не бываў, і настаў час, ды і ёсць што сказаць педагагічнай грамадскасці... Ну і параіцца з педагогамі. Я думаю, яны нам нешта падкажуць. Гэта ўсё ж такі наша апора, нашы людзі, і мне вельмі важна пабываць на падобным педсавеце", - адзначыў кіраўнік дзяржавы.

Прэзідэнт запатрабаваў зрабіць гэта мерапрыемства нефармалізаваным, каб можна было абмеркаваць і вылучыць праблемы, якія трэба тэрмінова вырашаць.

Надзея НІКАЛАЕВА

Дадаць каментар

Выбар рэдакцыі

Грамадства

Знайсці працу дапаможа служба занятасці насельніцтва

Знайсці працу дапаможа служба занятасці насельніцтва

Хойніцкі, Брагінскі і Жлобінскі раёны афіцыйна адносяцца да тых, дзе адзначаецца самы высокі ўзровень беспрацоўя — 0,8 %.

Грамадства

Звычайная настаўніца фізікі трапіла на адронны калайдар

Звычайная настаўніца фізікі трапіла на адронны калайдар

Што насамрэч адбываецца на мяжы Швейцарыі і Францыі, дзе на глыбіні каля ста метраў размяшчаецца Вялікі адронны калайдар?

Грамадства

Як мы наведалі курсы перападрыхтоўкі для беспрацоўных

Як мы наведалі курсы перападрыхтоўкі для беспрацоўных

Не так даўно навукоўцы выявілі, што стрэс ад страты або змены месца працы ўваходзіць у топ-3 самых моцных негатыўных перажыванняў сучасных людзей.