Члены Савета Рэспублікі ўзялі ўдзел у выязным семінары-нарадзе па пытаннях развіцця Быхаўскага і Бялыніцкага раёнаў. Пры наведванні двух раёнаў парламентарыі азнаёміліся з работай шэрагу прамысловых прадпрыемстваў і сельгасарганізацый, развіццём інфраструктуры сацыяльнай сферы, абмеркавалі праблемы і перспектывы гэтых тэрыторый.
— Падчас нарады мы ўбачылі на канкрэтных прыкладах, як развіваюцца раёны, з якімі праблемамі сутыкаюцца і якая дапамога ім неабходная, у тым ліку на заканадаўчым узроўні. Лічу, што наша галоўная задача — гэта ўдасканаленне заканадаўства. Бо жыццё не стаіць на месцы, грамадства актыўна развіваецца, і некаторыя законы патрабуюць карэкціроўкі. Нам трэба рабіць гэта своечасова, каб не стрымлівалася развіццё эканомікі, а ўзровень жыцця і дабрабыт людзей раслі, — адзначыў старшыня Пастаяннай камісіі Савета Рэспублікі па эканоміцы, бюджэце і фінансах Уладзімір Панцюхоў.
Вераніка ПУСТАВІТ
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
