У сталіцы сустрэча колішніх саслужыўцаў скончылася крымінальнай справай: затрыманы падазраваны ва ўгоне матацыкла.
Па інфармацыі Першамайскага РУУС г. Мінска, пасля нядаўняй дэмабілізацыі вырашылі сустрэцца колішнія саслужыўцы. Вядома, адзначылі гэтую справу. Пасля адна частка хлопцаў раз'ехалася па дамах, а другая вырашыла працягнуць свята. На шляху ў краму адзін з дэмбеляў заўважыў на ўзбочыне матацыкл і надумаў на ім пракаціцца. Не заводзячы «жалезнага каня», малады чалавек проста адштурхнуўся нагамі ад зямлі і паехаў. Аднак не справіўся з кіраваннем і ўпаў. Пасля гэтага здарэння хлопец кінуў матацыкл і пайшоў далей. Каля крамы ўжо іншы малады чалавек вырашыў пракаціцца на... асфальтаўкладчыку, які стаяў побач. Пацягаўшы за рычагі, машыну з месца ён так і не зрушыў. Далей на шляху дэмбеляў з'явіўся «Запарожац», які быў адчынены. На шчасце, завесці машыну ў кампаніі не атрымалася. У адносінах да 20-гадовага беспрацоўнага мінчаніна заведзена крымінальная справа за ўгон матацыкла, яму пагражае пазбаўленне волі тэрмінам да пяці гадоў. Па астатніх фактах праводзіцца праверка.
Сяргей РАСОЛЬКА
Летась зафіксавана зніжэнне колькасці выпадкаў гібелі на вытворчасці.
Карэспандэнты «Звязды» пабачылі, як праходзяць рэпетыцыі.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.