Нягледзячы на пахмурнае і даждлівае надвор’е, у палескім горадзе Жыткавічы ўрачыста і годна адсвяткавалі Дзень Перамогі.
На пачатку свята калона прайшла па галоўнай вуліцы райцэнтра. Узначальвала калону машына з ветэранамі. Нажаль, з кожным годам ветэраны вайны адыходзяць ад нас, і таму на свяце ў Жыткавічах было толькі тры ўдзельнікі вайны – Васіль Чарнагалоў, Пётр Свіст і Зяма Старобінскі.
Таксама адбыўся жалобны мітынг ў памяць палеглых на палях баёў чырвонаармейцаў, партызанаў і падпольшчыкаў, усім, кто каваў перамогу над фашысцкай Германіяй. На брацкай магіле ўсклалі вянкі і кветкі. У памяць пра сваіх землякоў–удзельнікаў вайны вучні старэйшых класаў і некаторыя дарослыя зрабілі і неслі партрэты.
Дырэктар дзіцячай спартыўнай школы Леанід Макарэвіч узяў на свята партрэты бацкі і дзеда, якія дайшлі да Берліна. Магчыма, у будучым, кожны жыхар падтрымае гэты патрыятычны пачын – выходзіць на Дзень Перамогі з партрэтамі сваіх родных, якія вызвалялі нашу Радзіму.
А потым свята прадоўжылася на галоўнай плошчы горада канцэртам калектываў мастацкай самадзейнасці. Працавала выстаўка народных умельцаў, гучала музыка, песні, панаваў сапраўды святочны настрой.
Анатоль КЛЯШЧУК
Фота аўтара.
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.