Факт засведчаны нават Максімам Галкіным і Аляксандрам Пушным. Калі нехта жадае прадэманстраваць свой талент запамінання, далучайцеся ў інтэрнэце да праекта “Рэкорды Куфара”.
Дарыя Скамарошчанка навучылася чытаць у два гады, а ў тры вывучыла на памяць першую кнігу. Зараз яна можа паўтарыць слова ў слова звыш сотні розных твораў, дзякуючы чаму трапіла ў папулярныя праекты расійскага і ўкраінскага тэлебачання (“Лепш за ўсіх”, “Золата нацыі”, “Насмяшы коміка. Дзеці”).
— Я па прафесіі архітэктар, але ў дэкрэтным водпуску пачала займацца рэцэнзіяй кніг, — расказвае мама дзяўчынкі Кацярына Таберка. — Гледзячы на мяне, Дарыя таксама захацела стаць рэцэнзентам, але пісаць яна не ўмела, і мы прыдумалі для яе фармат відэаблогу Book Shkap, дзе яна расказвае пра розныя кнігі. Калі мы запісвалі першыя выпускі, то заўважылі, што яна вельмі лёгка запамінае ўрыўкі з кніг, без праблем паўтарае іх на камеру слова ў слова, таму і вырашылі развіваць гэтыя здольнасці.
“Хачу, каб іншыя дзеці таксама палюбілі кнігі і сталі больш чытаць, каб вучылі больш вершаў напамяць, — кажа маленькая рэкардсменка. — Вучыць кнігі мне вельмі падабаецца і зусім не цяжка”.
Бацькі выбіраюць для дзяўчынкі кнігі па ўзросце, тым не менш, яна ведае і ўрыўкі з “Яўгенія Анегіна”, і мноства вершаў паэтаў Сярэбранага стагоддзя. А любімая кніжка — “Ёжык у тумане”, таму што ён “пераадолеў усе цяжкасці і прыйшоў да свайго сябра”. Дзяўчынка марыць стаць пісьменнікам, паэтам, архітэктарам і мараком, дарэчы, мама ўжо рыхтуе да публікацыі кнігу ўласных твораў Дарыі.
Святлана БАРЫСЕНКА
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
