Паважаныя супрацоўнікі органаў унутраных спраў, дарагія ветэраны!
Віншую вас са 100-годдзем з дня ўтварэння беларускай міліцыі.
Гэтае свята сімвалізуе павагу да найлепшых традыцый служэння народу і краіне, якія закладваліся многімі пакаленнямі супрацоўнікаў МУС. Адзначаючы векавы юбілей, мы па праву ганарымся сапраўднымі прафесіяналамі, вернымі Закону, аддаём належнае подзвігу ўсіх, хто самааддана змагаўся са злачыннасцю.
Выбраўшы нялёгкую і мужную прафесію, вы прысвяцілі сябе адказнай і высакароднай місіі — абароне інтарэсаў грамадства, жыцця і спакою грамадзян. Перакананы, застаючыся вернымі прысязе, вы з гонарам выканаеце свой абавязак.
Асаблівыя словы ўдзячнасці ветэранам органаў унутраных спраў — людзям, якія самааддана служылі Айчыне. Сёння ўжо новае пакаленне супрацоўнікаў забяспечвае правапарадак у краіне і працягвае іх справу, упісваючы новыя слаўныя старонкі ў гісторыю Беларусі.
У гэты святочны дзень жадаю ўсім супрацоўнікам міліцыі, вашым родным і блізкім моцнага здароўя, сямейнага шчасця і поспехаў у служэнні на карысць нашай Радзімы!
Прэзідэнт Рэспублікі Беларусь Аляксандр Лукашэнка.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
