Пра ўзмацненне рэгіянальнага супрацоўніцтва ішла гаворка на пасяджэнні Камісіі Парламенцкага сходу Саюза Беларусі і Расіі па пытаннях знешняй палітыкі.
Рэгіянальнае ўзаемадзеянне паміж Беларуссю і Расіяй паказвае добрыя вынікі, тым не менш прававая сфера тут патрабуе ўдасканалення. «На рэгіянальным узроўні рашэнні прымаюцца хутчэй і работа ідзе больш актыўна», — падкрэсліў старшыня Пастаяннай камісіі Савета Рэспублікі па міжнародных справах і нацыянальнай бяспецы Сяргей РАХМАНАЎ.
Значную ролю стварэння прававой прасторы для супрацоўніцтва нашых рэгіёнаў адзначыў і член Камітэта Савета Федэрацыі па федэратыўным уладкаванні, рэгіянальнай палітыцы, мясцовым самакіраванні і справах Поўначы Уладзімір ЛІЦЮШКІН. «Гэтае пытанне дазволіць раскрыць магчымасці і патэнцыял на месцах, якія тамтэйшыя жыхары ведаюць лепш і больш прафесійна», — падкрэсліў ён і дадаў, што неабходна ствараць новыя саюзныя законы, а таксама выкарыстоўваць нарматыўныя прававыя акты Садружнасці Незалежных Дзяржаў.
Таксама Уладзімір Ліцюшкін выказаўся наконт супярэчнасцяў паміж Беларуссю і Расіяй у нафтагазавым пытанні і сельскагаспадарчай сферы. «Я лічу, што ніякіх наступстваў яны (супярэчнасці) не будуць мець, таму што гэта чыста тэхнічныя пытанні. Усё вырашыцца ў рамках таго ж прававога і палітычнага поля, у якім мы сёння жывём. У хуткім часе ўсё гэта будзе прыведзена да лагічнага завяршэння», — адзначыў ён.
Уладзіслаў ЛУКАШЭВІЧ
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
