Такую магчымасць абмеркавалі падчас сустрэчы Уладзімір АНДРЭЙЧАНКА, старшыня Палаты прадстаўнікоў Нацыянальнага сходу, і Ёзаф МІГАШ, Надзвычайны і Паўнамоцны Пасол Славацкай Рэспублікі ў Рэспубліцы Беларусь.
– Славакія – надзейны партнёр Беларусі ў Еўропе. Прыемна, што ў нас склаліся такія цёплыя, сяброўскія адносіны з вашай краінай, – адначыў спікер Палаты прадстаўнікоў. – Добра, што апошнім часам многае робіцца для іх развіцця. Безумоўна, у гэтым вялікая заслуга і вас асабіста. Гэта паказвае, наколькі вы актыўна працавалі. Праведзена шмат знакавых мерапрыемстваў. Адно з іх – візіт прэм’ер-міністра Славакіі ў Рэспубліку Беларусь у лістападзе мінулага года. Гэта фактычна першы ў гісторыі нашых адносін візіт такога высокага ўзроўню. Прыемна, што быў падпісаны шэраг пагадненняў, якія накіраваны на развіццё гандлёва-эканамічных адносін.
На жаль, двухбаковы таваразварот паміж нашымі дзяржаваміпакуль невялікі. За мінулы год ён склаў 162 мільёны долараў. У той жа час гэта сведчыць, што краінам ёсць, у які бок удасканальваць адносіны.
Яшчэ адзін візіт на высокім узроўні чакаецца сёлета.
– Мы накіравалі запрашэнне старшыні Нацыянальнага Савета (Парламента) Славацкай Рэспублікі Андрэю Данко з просьбай наведаць Рэспубліку Беларусь з афіцыйным візітам, – нагадаў Уладзімір Андрэйчанка.
Па словах старшыні Палаты прадстаўнікоў, пажаданы час такога візіта – першая палова чэрвеня бягучага года.
Пасол Славакіі ў Беларусі надае важнае значэнне развіццю сувязяў паміж нашымі краінамі. Адну з вядучых ролей, па яго словах, тут маюць кантакты з заканадаўчымі органамі.
– Лічу, што Пасол любой дзяржавы, каб зрабіць адносіны дзяржаў больш эфектыўнмі, павінен падтрымліваць цесныя сувязі з парламентам той краіны, дзе ён працуе. Гэта ключавая задача дыпламата, – лічыць Ёзаф Мігаш.
Надзея ЮШКЕВІЧ
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.