Людміла Круглік. Фігура і культура

Кожны дзень грыміць рэклама:

Ёсць цудоўная праграма,

Дзе поп-зоркі пахудзелі,

Разам з тым памаладзелі.

Ходзіць гутарка ў народзе,

Што пампушкі ўжо не ў модзе.

Нават Пугачова Ала

Стройнаю дзяўчынай стала!

Нібыта адвар каштана

Ужывала на сняданак…

Вось і наша цётка Глаша

П’е яго заместа кашы.

Толькі вось бяда якая —

Ледзьве ногі ўжо цягае.

Хоць і стала «маладзіцай»,

Ды патрапіла ў бальніцу.

Трэба з розумам худзець,

Як і што ясі, глядзець.

Палюбіць сваю фігуру

І да ежы мець культуру.

Людміла КРУГЛІК,

г. Дзяржынск.