У штаце Луізіяна (ЗША) супрацоўнікі праваахоўных органаў зрабілі больш за 500 стрэлаў падчас перастрэлкі са злачынцам, але трапілі толькі тры разы, паведамляе The New Orlean's Advocate.
Вечарам Крыстафер Гарсія праз інтэрнэт дамовіўся аб сустрэчы з незнаёмай жанчынай. Калі яна прыехала, мужчына схлусіў, што працуе ў паліцыі, а затым звязаў і пасадзіў у свой аўтамабіль. Жанчыне ўдалося вызваліцца і збегчы, а ў пагоню кінуліся сапраўдныя паліцэйскія. Машына перавярнулася, Гарсія схаваўся за ёй і пачаў адстрэльвацца. Мужчына здаўся пасля размовы з маці, якую выклікала паліцыя.
Падчас супрацьстаяння вартавыя парадку стралялі больш за 500 разоў, але трапілі толькі тры. Шэрыф патлумачыў, што яго памочнікам перашкаджаў вугал, пад якім машына ляжала ў кювеце, і спрацаваная ў ёй падушка бяспекі. Акрамя таго, ім не хацелася забіваць падазронага.
Што за таемнымі дзвярыма?
