Курс кітайскай валюты да амерыканскага долара ў аўторак знізіўся да мінімуму за апошнія 8 гадоў, паведамляе "Жэньмінь жыбаа" анлайн". Падзенне юаня працягваецца ўжо восьмы дзень запар.
Паводле дадзеных Кітайскага цэнтра валютных здзелак, цэнтральны парытэт юаня да долара страціў 204 пункта і ўсталяваўся на ўзроўні 6,8495 юаня за долар. З-за фактараў нявызначанасці ў гандлі КНР і ЗША, ёсць верагоднасць, што Кітай прыняў рашэнне загадзя знізіць ціск на сваю валюту і даць ёй аслабнуць, адзначае аналітык кампаніі China International Capital Corp Чан Хуэйлі.
Хоць юань аслабеў у адносінах да долара, ён застаецца стабільным да валютнага кошыку, і гэтым сітуацыя кардынальна адрозніваецца ад студзеня, калі кітайская валюта страціла пазіцыю як па адносінах да долара, так і ў адносінах да валютнага кошыку, дадае Чан. У кароткатэрміновай перспектыве юань можа адчуваць ціск, але ў сярэднетэрміновай перспектыве цяперашнія змены могуць азначаць, што кітайская валюта мае абмежаваную прастору для далейшага паслаблення, лічыць эксперт. Аналітык выключае верагоднасць значнага паслаблення юаня ў доўгатэрміновай перспектыве і прагназуе, што да канца 2017 года кітайская валюта ўмацуецца на ўзроўні 6,98.
Згодна з дзеючымі правіламі, юань за гандлёвы дзень можа расці або падаць не больш чым на 2 працэнты адносна цэнтральнага парытэту.
Летась зафіксавана зніжэнне колькасці выпадкаў гібелі на вытворчасці.
Карэспандэнты «Звязды» пабачылі, як праходзяць рэпетыцыі.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
