Учора ў Iсламабадзе прайшлi перагаворы Прэзiдэнта Беларусi Аляксандра Лукашэнкi i прэм'ер-мiнiстра Пакiстана Наваза Шарыфа.
Як паведамiў карэспандэнт БЕЛТА, перагаворы пачалiся з цырымонii афiцыйнай сустрэчы лiдараў дзвюх краiн. У рэзiдэнцыi прэм'ер-мiнiстра Пакiстана Прэзiдэнта Беларусi вiтала рота ганаровай варты. Затым Аляксандр Лукашэнка i Наваз Шарыф перайшлi ў рабочы кабiнет прэм'ер-мiнiстра для афiцыйных перагавораў, якiя пройдуць спачатку ў фармаце «сам-насам», а затым — у пашыраным фармаце.
Аляксандр Лукашэнка i Наваз Шарыф пацвердзiлi iмкненне сваiх краiн паглыбляць дружалюбныя сувязi ў розных сферах. У сумеснай заяве лiдараў дзяржаў, якая была прынята па вынiках афiцыйных перагавораў, адзначаецца, што сустрэча прайшла ў атмасферы высокага даверу i ўзаемаразумення. Бакi глыбока i ўсебакова разгледзелi ўвесь комплекс беларуска-пакiстанскiх адносiн, адзначыўшы ўзаемнае iмкненне да далейшага развiцця i паглыблення дружалюбных сувязяў памiж дзяржавамi ў палiтычнай, гандлёва-эканамiчнай, сацыяльна-гуманiтарнай i iншых сферах.
Аляксандр Лукашэнка i Наваз Шарыф канстатавалi важнасць падпiсання шэрагу дакументаў, якiя датычацца пашырэння напрамкаў узаемадзеяння ў сферах сельскай гаспадаркi, прамысловай кааперацыi, барацьбы са злачыннасцю, адукацыi, мытнага i банкаўскага супрацоўнiцтва, у паштовай сферы.
Бакi пацвердзiлi сваю прыхiльнасць да агульнапрызнаных норм мiжнароднага права, мэт i прынцыпаў Статута Арганiзацыi Аб'яднаных Нацый, умацавання ролi ААН у вырашэннi ўсяго комплексу пытанняў па падтрыманнi мiжнароднага мiру i бяспекi, процiдзеяннi сучасным выклiкам i пагрозам, такiм як мiжнародны тэрарызм, распаўсюджванне зброi масавага знiшчэння, незаконная вытворчасць i збыт наркотыкаў, гандаль людзьмi, прыродныя i тэхнагенныя катастрофы.
Па вынiках сустрэчы была дасягнута дамоўленасць прадоўжыць практыку ўзаемнай падтрымкi iнiцыятыў i кандыдатур дзвюх дзяржаў у ААН i iншых мiжнародных арганiзацыях.
Станоўча была ацэнена актыўная дзейнасць урадаў дзвюх дзяржаў па развiццi мiждзяржаўнага супрацоўнiцтва ў ключавых галiнах эканомiкi, а таксама работа сумеснай беларуска-пакiстанскай камiсii па гандлёва-эканамiчным супрацоўнiцтве.
Аляксандр Лукашэнка i Наваз Шарыф таксама вiталi стварэнне ў парламентах дзвюх краiн адпаведных груп дружбы.
Лiдары краiн выказалi зацiкаўленасць у развiццi ўзаемавыгадных адносiн памiж галiновымi мiнiстэрствамi, актывiзацыi прамых канта ктаў на ўзроўнi сярэдняга i малога бiзнесу, стварэннi на тэрыторыi Беларусi i Пакiстана сумесных прадпрыемстваў у галiне прамысловасцi, сельскай гаспадаркi (па перапрацоўцы мяса-малочнай i плодаагароднiннай прадукцыi), лёгкай прамысловасцi, фармацыi, лясной гаспадаркi.
Кiраўнiкi Беларусi i Пакiстана заявiлi, што падтрымлiваюць развiццё мiжрэгiянальных сувязей як важнага складнiка двухбаковых адносiн, адзначылi неабходнасць актывiзацыi ўзаемных вiзiтаў дэлегацый, рэалiзацыi сумесных праграм супрацоўнiцтва на ўзроўнi рэгiёнаў, удзелу ў рэгiянальных выставачна-кiрмашовых i культурных мерапрыемствах.
Па вынiках прайшоўшых перагавораў Аляксандр Лукашэнка заявiў, што Беларусь i Пакiстан маюць намер выходзiць на цесную кааперацыю з трэцiмi краiнамi. «Дасягнута разуменне, што Беларусь i Пакiстан выйдуць на цесную кааперацыю з трэцiмi краiнамi. Прыклад таго — кiтайска-пакiстанскi эканамiчны калiдор», — сказаў Аляксандр Лукашэнка.
Паводле слоў Прэзiдэнта, бакi абмеркавалi магчымасцi супрацоўнiцтва ў галiне ядзернай энергетыкi, пры гэтым кiраўнiк дзяржавы падкрэслiў: «I Беларусь, i Пакiстан — прыхiльнiкi развiцця мiрнага атама».
У час сустрэчы было адзначана, што Беларусь i Пакiстан павiнны больш актыўна развiваць навукова-тэхнiчнае супрацоўнiцтва. Гэтымi днямi ў Iсламабадзе быў адкрыты Беларуска-пакiстанскi цэнтр па каардынацыi навукова-тэхнiчнага i iнавацыйнага супрацоўнiцтва. «У час перагавораў дасягнута разуменне, што мы ўзмоцнiм сумесную работу ў напрамку сельскагаспадарчай i прамысловай кааперацыi. У блiжэйшы час абмяняемся вiзiтамi спецыялiстаў для пашырэння супрацоўнiцтва па гэтых напрамках, — расказаў кiраўнiк дзяржавы. — У блiжэйшай перспектыве мы зробiм канкрэтныя захады па актывiзацыi супрацоўнiцтва памiж банкамi, у лёгкай (пераважна тэкстыльнай) прамысловасцi, у лясной гаспадарцы, мытнай справе, стандартызацыi i сертыфiкацыi. Мы прапанавалi пакiстанскiм сябрам паслугi беларускiх кампанiй па будаўнiцтве».
Аляксандр Лукашэнка таксама звярнуў увагу, што наспела неабходнасць адкрыць памiж Беларуссю i Пакiстанам прамыя паветраныя зносiны для павелiчэння ўзаемнага пасажыра- i грузапатоку.
«Гэта далёка не поўны пералiк пытанняў, якiя мы абмяркоўвалi ў час вiзiту. Iх далейшае вырашэнне запатрабуе новых сустрэч i кантактаў, таму я з вялiкiм задавальненнем запрасiў майго сябра прэм'ер-мiнiстра Наваза Шарыфа чарговы раз наведаць Беларусь у любы зручны для яго час. Для нас вельмi важна захаваць сiстэмнасць у палiтычным дыялогу i асабiсты кантроль за выкананнем прынятых намi рашэнняў», — падкрэслiў беларускi лiдар.
«Нашы падыходы да развiцця двухбаковых адносiн не змянiлiся з часу папярэднiх сустрэч. У мяне толькi ўмацавалася ўпэўненасць у шчырасцi намераў пакiстанскiх партнёраў развiваць ружалюбныя адносiны з Мiнскам на прынцыпах узаемнага даверу i супрацоўнiцтва», — сказаў Аляксандр Лукашэнка.
Прэзiдэнт Беларусi заўважыў, што Пакiстан перажывае няпростыя часы, у прыватнасцi, у адносiнах з суседзямi.
«Вы ведаеце прыхiльнасць маю i нашай дзяржавы да ўзаемавыгаднага супрацоўнiцтва з суседзямi, мы жадаем вам мiру», — падкрэслiў кiраўнiк дзяржавы.
Прэм'ер-мiнiстр Пакiстана Наваз Шарыф падзякаваў Прэзiдэнту Беларусi Аляксандру Лукашэнку за асабiсты ўклад у iнтэнсiўнае развiццё адносiн памiж краiнамi. Ён адзначыў, што чарговы вiзiт Прэзiдэнта Беларусi з'яўляецца яркiм знакам гатоўнасцi краiны развiваць дружалюбныя адносiны з Пакiстанам. «Я ўдзячны вам за асабiсты ўклад у iнтэнсiўнае развiццё нашага двухбаковага супрацоўнiцтва. Абмен вiзiтамi на вышэйшым узроўнi прывёў да росту супрацоўнiцтва i вывеў яго на якасна новы ўзровень», — падкрэслiў прэм'ер-мiнiстр.
Паводле яго слоў, у час плённых перагавораў з Аляксандрам Лукашэнкам бакi дасягнулi дамоўленасцяў аб далейшым развiццi супрацоўнiцтва ў розных сферах, у тым лiку ў прамысловасцi, сельскай гаспадарцы, сферах адукацыi, культуры, навукi i тэхналогiй. «З радасцю заяўляю, што мы падпiсалi сумесную заяву па вынiках сустрэчы, якая сведчыць аб цвёрдым намеры бакоў прадаўжаць супрацоўнiцтва ў многiх сферах», — дадаў Наваз Шарыф.
Пазней у рэзiдэнцыi прэм'ер-мiнiстра Наваза Шарыфа з нагоды афiцыйнага вiзiту Прэзiдэнта Беларусi Аляксандра Лукашэнкi ў Пакiстан адбылася ўрачыстая цырымонiя гашэння мастацкiх паштовых марак.
Аляксандр Лукашэнка i Наваз Шарыф паставiлi подпiсы пад дзвюма маркамi, наклеенымi на паштовыя канверты, i змацавалi адной пячаццю адразу дзве маркi.
На марках адлюстраваны нацыянальны парк Беларусi «Нарачанскi» i нацыянальны парк Пакiстана Сайфул-Мулук.
Аляксандр Лукашэнка прыняў таксама ўдзел у адкрыццi IV Беларуска-пакiстанскага дзелавога i iнвестыцыйнага форуму.
«Безумоўна, актывiзацыя беларуска-пакiстанскага iнвестыцыйнага супрацоўнiцтва будзе садзейнiчаць росту эканомiкi як Пакiстана, так i Беларусi. I важная роля ў гэтым працэсе павiнна належаць бiзнесменам i прадпрымальнiкам, якiя сабралiся ў гэтай зале», — лiчыць Прэзiдэнт, якi выступiў перад удзельнiкамi мерапрыемства.
Аляксандр Лукашэнка адзначыў, што да гэтага часу краiны не могуць пахвалiцца поспехамi ў гэтым напрамку. «Аднак рост вашай эканомiкi, павелiчэнне яе магчымасцяў па замежным укладаннi капiталаў ствараюць спрыяльныя перадумовы для таго, каб Беларусь па праву стала для Пакiстана iнвестыцыйным акном у Еўропу», — звярнуў увагу кiраўнiк дзяржавы.
Прэзiдэнт заўважыў, што за апошнi год Беларусь i Пакiстан абмянялiся чатырма афiцыйнымi вiзiтамi на вышэйшым i высокiм узроўнях. У час кожнага праводзiўся дзелавы i iнвестыцыйны форум, што сведчыць аб цвёрдым намеры бакоў развiваць плённыя адносiны памiж дзелавымi коламi дзяржаў.
«Мы дамовiлiся з прэм'ер-мiнiстрам на працягу чатырох гадоў вывесцi наш тавараабарот на ўзровень $1 млрд. Як хочаце дамаўляйцеся памiж сабой, але праз чатыры гады $1 млрд, не менш (больш можна), павiнен быць», — звярнуўся Аляксандр Лукашэнка да прадстаўнiкоў дзелавых колаў абедзвюх краiн.
«Звяртаючыся да ўдзельнiкаў нашага форуму, я запрашаю пакiстанскiх бiзнесменаў укладваць iнвестыцыi ў выгадныя для вас праекты на тэрыторыi Беларусi. Упэўнены, у такога супрацоўнiцтва добрыя перспектывы», — падкрэслiў Аляксандр Лукашэнка.
Кiраўнiк дзяржавы звярнуў увагу, што ў Беларусi дзейнiчае шэраг прэферэнцый, якiя могуць быць карысныя для замежных кампанiй. «З пункту гледжання падатковага планавання i аптымiзацыi прэферэнцыi ўключаюць спецыяльныя льготныя ўмовы гаспадарання пры арганiзацыi бiзнесу ў рамках шасцi свабодных эканамiчных зон. Замежныя кампанii таксама могуць атрымаць дадатковую выгаду, максiмальна знiзiўшы iнвестыцыйныя затраты i падатковую нагрузку пры ўкладаннi капiталаў у нашых малых i сярэднiх гарадах», — адзначыў Прэзiдэнт.
Аляксандр Лукашэнка таксама расказаў аб актыўным будаўнiцтве пад Мiнскам Кiтайска-беларускага iндустрыяльнага парка «Вялiкi камень» — у гэтым мiжнародным праекце жадаюць удзельнiчаць кампанii розных краiн. Асаблiвую ўвагу Прэзiдэнт акцэнтаваў на транспартна-лагiстычных магчымасцях Беларусi, праводзiмай у краiне палiтыцы «кропкавай» прыватызацыi i кадравым патэнцыяле рэспублiкi.
Фота БЕЛТА
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.