Беларускія аграрыі пераадолелі мільённы рубеж ва ўборцы збожжавых і зернебабовых культур. Згодна з аператыўнай інфармацыяй Міністэрства сельскай гаспадаркі і харчавання, па стане на 25 ліпеня ў краіне намалочана больш за 1,1 млн тон збожжа, з якіх 383,6 тыс. тон — аграрыямі Гомельскай вобласці.
Там паспелі ўбраць 37% пасяўных плошчаў. Другое месца займае Брэсцкая вобласць з вынікам у 296,7 тыс. тон. У Мінскай і Магілёўскай абласцях намалочана 259,9 і 72,9 тыс. тон збожжа адпаведна. Аграрыі Гродзеншчыны сабралі 105,4 тыс. тон, а ў Віцебскай вобласці, дзе ўключыліся ў жніво апошнімі, 14,6 тыс. тон. Па краіне збожжавыя і зернебабовыя сабраныя з 338 тыс. га, што складае 15,3% ад агульнай плошчы. У сярэднім з аднаго гектара сёлета збіраюць 33,5 ц збожжа, што на 3,4 ц больш, чым летась. У цэлым, па словах намесніка міністра сельскай гаспадаркі і харчавання Уладзіміра Гракуна, ураджайнасць збожжавых сёлета вышэйшая за леташнюю. Пры гэтым ён адзначыў, што ўмовы для ўборкі ў Беларусі ў гэтым годзе з-за дажджоў крыху горшыя.
Ілья КРЫЖЭВІЧ
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
