Як паведаміла Вераніка Пасмеццева, старшая оперупаўнаважаная па асабліва важных справах Галоўнага ўпраўлення па эканамічных злачынствах МУС РБ, мужчына спрабаваў набыць прадукты за 20-рублёвую банкноту ўзору 2009 года. Але яна выклікала сумненне ў супрацоўніцы крамы, якая і выклікала міліцыю.
Праваахоўнікі па гарачых слядах высветлілі, што купюрай разлічыўся мясцовы 48-гадовы жыхар. Падробку мужчыне перадаў неаднаразова асуджаны знаёмы. Абодва ведалі, што яна фальшывая. Суткі яны спрабавалі ўтаіць імя вытворцы падробкі, але і яго ўдалося затрымаць. Фальшываманетчыкам аказаўся мясцовы бізнесмен, які займаецца вырабам рэкламнай прадукцыі. Ён і раздрукаваў купюру на прынтары, аддаў прыяцелю. Праўда, папярэдзіў, што яна несапраўдная, але гэта ніякім чынам не паўплывала на далейшае злачынства.
Тарас ШЧЫРЫ
Сумесныя праекты ядзерных тэхналогій.
