СНД павінна стаць палітычным і эканамічным цэнтрам сілы.
Аб гэтым заявіў Прэзідэнт на сустрэчы з кіраўнікамі дэлегацый, якія прымаюць удзел у XVІ сесіі Савета кіраўнікоў вышэйшых органаў фінансавага кантролю дзяржаў — удзельніц СНД.
Кіраўнік дзяржавы перакананы, што неабходна больш поўна выкарыстоўваць магчымасці такога важнага інтэграцыйнага аб'яднання, як Садружнасць. Прэзідэнт звярнуў увагу на той факт, што апошнім часам адзначаюцца негатыўныя тэндэнцыі, разыходжанні паміж членамі СНД, жаданне некаторых з іх дыстанцыявацца ад якіх-небудзь абавязацельстваў і быць проста назіральнікамі, а то і зусім выйсці са складу арганізацыі. Нягледзячы на тое, што СНД у яе цяперашнім выглядзе і падвяргаецца крытыцы, беларускі бок лічыць, што патэнцыял супрацоўніцтва далёка не вычарпаны. На думку Аляксандра Лукашэнкі, неабходна надаць новы імпульс дзейнасці гэтай арганізацыі і узняць яе аўтарытэт на міжнароднай арэне.
Прэзідэнт перакананы, што органы фінансавага кантролю могуць сыграць адну з вядучых роляў у працэсе далейшага станаўлення СНД. Кіраўнік дзяржавы падкрэсліў, што "ўпарадкаванне руху грошай і каштоўных папер, выкарыстанне іншых актываў на вялізнай частцы еўразійскага кантынента — гэта гарант стабільнасці і эканамічнай бяспекі нашых краін". На думку Аляксандра Лукашэнкі, толькі пры ўмове жорсткага дзяржаўнага кантролю за фінансавымі патокамі, строгага захавання законнасці ў гэтым сектары можна паспяхова развівацца. "Неабходна паставіць непераадольны заслон безгаспадарчасці, нямэтаваму выкарыстанню бюджэтных сродкаў, уцечцы капіталу за мяжу, незаконным валютным аперацыям, карупцыі і іншым негатыўным з'явам", — упэўнены Прэзідэнт.
Кіраўнік дзяржавы лічыць, што ў сучасных умовах найважнейшай задачай стратэгічнага значэння з'яўляецца ўзмоцненая каардынацыя дзеянняў кантрольных органаў краін СНД, а таксама выпрацоўка імі сумесных падыходаў да прадухілення фінансавых парушэнняў, абмен вопытам у засваенні новых метадаў работы. Гэта асабліва важна цяпер, калі свет адзін за адным скаланаюць крызісы, што самым неспрыяльным чынам адбіваецца на становішчы спраў у краінах Садружнасці. Гаворка ідзе пра бяспеку кожнай з дзяржаў Садружнасці паасобку і палітыка-эканамічнай моцы СНД у цэлым, падкрэсліў Аляксандр Лукашэнка.
Удзельнікі сустрэчы пагадзіліся з важнасцю ролі эканамічнай бяспекі, якая ў сучасных умовах сапраўды набывае ўсё большае значэнне, паведамляе прэс-служба кіраўніка дзяржавы. Тэмы, які абмяркоўваліся, тычыліся глабальных пытанняў развіцця СНД, выяўлення болевых кропак дзейнасці арганізацыі і выпрацоўкі стратэгіі сумесных дзеянняў, у тым ліку ў пытаннях фінансавага кантролю, на бліжэйшую перспектыву.
Кіраўнікі вышэйшых органаў фінансавага кантролю краін Садружнасці пазітыўна ацанілі поспехі Беларусі ў пытаннях дзяржаўнага кантролю, а таксама ў цэлым развіцця краіны.
Сумесныя праекты ядзерных тэхналогій.