Вы тут

Дамова аб супрацоўніцтве


Учора паміж Міністэрствам замежных спраў Беларусі і саюзам юрыдычных асоб «Рэспубліканская канфедэрацыя прадпрымальніцтва» (РКП) у Мінску было падпісана пагадненне аб узаемадзеянні на 2016-2020 гады. Дакумент падпісалі міністр замежных спраў Беларусі Уладзімір Макей і старшыня прэзідыума СЮА «РКП» Уладзімір Карагін.


Падчас мерапрыемства міністр адказаў на пытанні журналістаў, датычныя некаторых момантаў у знешняй палітыцы. У прыватнасці, Уладзімір Макей адзначыў, што папрокі Літвы наконт бяспекі БелАЭС незразумелыя. Ён звярнуў увагу, што пры правядзенні неабходных стрэс-тэстаў спецыялісты прыйшлі да высновы: калі б рэактар таго тыпу, які будзе на БелАЭС, быў пабудаваны на «Фукусіме», то такой трагедыі там бы не здарылася.

Уладзімір Макей лічыць, што ў апошні час вакол эканамічнага праекта, якім з'яўляецца будаўніцтва БелАЭС, разгарнулася палітычная вакханалія. Ён нагадаў, што літоўскія партнёры займалі канструктыўную прагматычную пазіцыю ў частцы адмены санкцый ЕС у дачыненні да Беларусі, за што беларускі бок ім удзячны. Аднак, падтрымаўшы адмену санкцый, літоўскія партнёры другой рукой галасуюць за тое, каб шэраг фінансавых еўрапейскіх інстытутаў не супрацоўнічаў з нашай краінай па інфраструктурных праектах, якія так ці інакш могуць быць звязаныя з будаўніцтвам БелАЭС. Такая пазіцыя абсалютна незразумелая. Гэта азначае фактычна новыя завуаляваныя санкцыі», — лічыць кіраўнік беларускага знешнепалітычнага ведамства.

Таксама міністр паведаміў, што Беларусь гатовая прыняць з візітам Папу Рымскага. Уладзімір Макей удакладніў, што пакуль аб канкрэтных тэрмінах казаць зарана, але ёсць прынцыповая гатоўнасць. Беларусь, паводле яго слоў, гатовая не толькі прыняць пантыфіка з візітам, але і арганізаваць на беларускай зямлі яго сустрэчу з кіраўніком Рускай Праваслаўнай Царквы.

kurkасh@zvіаzdа.bу

Фота БЕЛТА

Выбар рэдакцыі

Грамадства

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

У пачатковы перыяд Вялiкай Айчыннай вайны зацятыя баi разгарнулiся пры абароне Барысава — старадаўняга беларускага горада на Бярэзiне. 

Грамадства

Схадзіць на «Куфар» і застацца без грошай. На папулярным сайце можна сустрэць махляра, замаскіраванага пад пакупніка

Схадзіць на «Куфар» і застацца без грошай. На папулярным сайце можна сустрэць махляра, замаскіраванага пад пакупніка

«Лічбавыя жулікі», якія здымаюць грошы з чужых банкаўскіх карт, звычайна маскіруюцца пад інтэрнэт-рэсурсы, вартыя даверу.