Вы тут

3 1 красавіка яшчэ ў трох абласцях дзейнічае забарона на лоўлю рыбы


Забарона на лоўлю рыбы ў Мінскай, Магілёўскай і Гродзенскай абласцях уступіла ў сілу з 1 красавіка, паведамілі ў Дзяржаўнай інспекцыі аховы жывёльнага і расліннага свету пры Прэзідэнце Рэспублікі Беларусі. Згодна з новай рэдакцыяй Правіл вядзення рыбалоўнай гаспадаркі і рыбалоўства, прынятай у 2015 годзе, цяпер тэрміны вясновай забароны на лоўлю рыбы дыферэнцаваныя па рэгіёнах.


У паўднёвых абласцях краіны — Брэсцкай і Гомельскай — забарона дзейнічае з 20 сакавіка па 18 мая, у Мінскай, Магілёўскай і Гродзенскай абласцях — з 1 красавіка па 30 мая. Забарона на лоўлю рыбы ў Віцебскай вобласці пачне дзейнічаць з 10 красавіка і працягнецца да 8 чэрвеня. Гэта звязана з тым, што на поўдні Беларусі нераст пачынаецца раней у параўнанні з цэнтральнымі і паўночнымі рэгіёнамі.

У перыяд забароны дазваляецца рыбачыць адной вудай з адным кручком або адным спінінгам, аснашчаным штучнай прынадай, з адным адзінарным, двайным ці трайным кручком у светлы час сутак з берага (без заходу ў ваду). За кожную незаконна здабытую асобіну парушальнікі будуць абавязаны пакрыць нанесеную прыродзе шкоду, якая ў час забароны вылічваецца ў трохразовым памеры. Напрыклад, за адну асобіну ляшча, вылаўленую незаконна, шкода складзе
1 мільён 89 тысяч рублёў (9 базавых велічынь), еўрапейскага сома — 2 мільёны 52 тысячы рублёў (12 базавых), ліня —
3 мільёны 78 тысяч рублёў (18 базавых). Акрамя таго, парушальнікі могуць быць прыцягнуты да крымінальнай адказнасці, калі памер шкоды перавысіць 100 базавых велічынь.

Загаловак у газеце: Яшчэ ў трох абласцях — спакой для рыбы

Выбар рэдакцыі

Грамадства

Без памылак нельга рухацца наперад, або Чаму попыт i прапанова пакуль не заўсёды супадаюць

Без памылак нельга рухацца наперад, або Чаму попыт i прапанова пакуль не заўсёды супадаюць

Давайце разам прыгадаем свае першыя крокi ў школе. Што кажа дзецям настаўнiк?

Спорт

Кiнуць выклiк лёсу. Чым жыве паралiмпiйскi спорт у Беларусi

Кiнуць выклiк лёсу. Чым жыве паралiмпiйскi спорт у Беларусi

Як беларусы рыхтуюцца да галоўных стартаў i як развiваецца паралiмпiйскi рух.

Эканоміка

Маладых спецыялістаў у сельскай гаспадарцы вабяць не толькі жыллё і зарплата

Маладых спецыялістаў у сельскай гаспадарцы вабяць не толькі жыллё і зарплата

У сельгаскааператыве «Ніва-2003» Гродзенскага раёна цяпер працуе ажно 11 маладых спецыялістаў.