У рамках рабочага візіту нашай парламенцкай дэлегацыі ў Чэхію віцэ-спікер Палаты прадстаўнікоў Нацыянальнага сходу Віктар Гумінскі сустрэўся з намеснікам міністра замежных спраў гэтай краіны Іва Шрамекам. Як паведамляе прэс-служба ніжняй палаты парламента, чэшскі дыпламат высока ацаніў дзейнасць нашай дзяржавы ў пытаннях падтрымкі міру і бяспекі ў рэгіёне Арганізацыі па бяспецы і супрацоўніцтве ў Еўропе.
Іва Шрамек у размове з Віктарам Гумінскім адзначыў магчымасць падтрымкі нашай краіны ў рамках ініцыятывы Усходняга партнёрства. У сваю чаргу, намеснік старшыні Палаты прадстаўнікоў падкрэсліў, што «Рэспубліка Беларусь гатова да паглыблення дыялогу і практычнага супрацоўніцтва ў рамках Усходняга партнёрства пры ўмове яго перафармаціравання».
Віктар Гумінскі таксама абмеркаваў пытанні развіцця супрацоўніцтва паміж парламентамі нашай дзяржавы і Чэхіі з намеснікам старшыні Палаты дэпутатаў парламента Чэхіі Войцехам Філіпам. «Чэшскі дэпутат станоўча адзначыў дасягнуты ўзровень узаемадзеяння паміж групамі сяброўства парламентаў абедзвюх краін», — паведамляе прэс-служба.
У горадзе Усці-над-Лабем парламенцкая дэлегацыя сустрэлася з кіраўніком Эканамічнай палаты Усцецкага краю Чэхіі Ф. Ёхманем, які пацвердзіў, што Чэхія гатова развіваць з намі інвестыцыйнае супрацоўніцтва на ўзаемавыгаднай аснове.
Чэшскія кампаніі былі азнаёмлены з інвестыцыйнымі праектамі і запрошаны да стварэння прадпрыемстваў у Кітайска-Беларускім індустрыяльным парку «Вялікі камень».
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
